У выніку выбуху пацярпелі пяць супрацоўнікаў, два зь іх знаходзяцца ў цяжкім стане.
У Бішкеку раніцай 2 лютага на цеплаэлектрацэнтралі, якая забясьпечвае ўвесь горад цяплом і гарачай вадой, адбыўся выбух, які выклікаў пажар.
Як паведаміла дзяржаўнае інфармацыйнае агенцтва KyrTAG, у Міністэрстве надзвычайных сытуацый Кіргізстану ня выключылі, што інцыдэнт адбыўся ў выніку дывэрсіі.
Для падтрыманьня работы ЦЭЦ і цеплавых сетак прыпынілі падачу гарачай вады ўсім спажыўцам сталіцы Кіргізстану, у некалькіх раёнах жыхары засталіся безь цяпла.
Усе школы і дзіцячыя садкі перавялі на дыстанцыйную працу, у раёне ЦЭЦ абвясьцілі надзвычайную сытуацыю.
Улады запэўніваюць, што аднавіць падачу гарачай вады і цяпла змогуць цягам 2-3 дзён.
ГЛЯДЗІЦЕ ТАКСАМА: У студзені камунальныя аварыі адбыліся ў палове рэгіёнаў Расеі ГЛЯДЗІЦЕ ТАКСАМА: У Жлобіне без ацяпленьня і гарачай вады засталося 86 жылых дамоў ГЛЯДЗІЦЕ ТАКСАМА: У Менску 18 шматпавярховікаў, дзіцячы садок і дом інвалідаў ноч заставаліся без ацяпленьня і гарачай вады