29 студзеня на 78-м годзе жыцьця памёр былы трэнэр зборных Беларусі і Баўгарыі ў біятлёне Мікалай Захараў, паведамляе «Матч ТВ».
Мікалай Захараў у зборнай Беларусі працаваў у 1990-я і 2000-я гады.
Менавіта Захараў у 2004 годзе прапанаваў Дар’і Домрачавай зьмяніць спартовае грамадзянства і перайсьці ў беларускую каманду. У складзе зборнай Беларусі Домрачава стала чатырохразовай алімпійскай чэмпіёнкай у 2014 і 2018 гадах.
Мікалай Захараў нарадзіўся ў вёсцы Уват Цюменскай вобласьці Расеі, апошнія некалькі гадоў жыў у Баўгарыі.
ГЛЯДЗІЦЕ ТАКСАМА: Домрачава выказалася за «спорт па-за палітыкай» і заявіла, што адхіленьне беларусаў і расейцаў ад спаборніцтваў ня скончыць вайну ГЛЯДЗІЦЕ ТАКСАМА: Дар’я Домрачава асудзіла адхіленьне расейскіх і беларускіх спартоўцаў ад міжнародных спаборніцтваў