«Акцыя стала ня толькі рэспубліканскай, але і народнай. Сёньня пайшла першая машына масай 10 тон, у пятніцу мы адправім 20-тоннік, і яшчэ некалькі машын пойдзе на наступным тыдні», — расказаў 24 студзеня расейскаму агенцтву старшыня грамадзкага аб’яднаньня «Белая Русь» Алег Раманаў.
Паведамляецца, што акцыя нібы ў дапамогу дзецям праводзілася пры падтрымцы прадстаўніцтва «Россотрудничество в Беларуси», «Русского дома в Минске» і арганізацыі «Русская гуманитарная миссия».
Паводле Раманава, у акцыі прынялі ўдзел фізычныя і юрыдычныя асобы, прадпрыемствы і Беларуская праваслаўная царква.
Данецк з 2014 году знаходзіцца фактычна пад кіраўніцтвам расейскай акупацыйнай адміністрацыі, якая ўтварыла на акупаваных тэрыторыях «Данецкую народную рэспубліку», непрызнаную ў сьвеце.
«Белая Русь» — праўладная партыя ў Беларусі, створаная на падставе аднайменнага грамадзкага абʼяднаньня.
ГЛЯДЗІЦЕ ТАКСАМА: Бастыён «русского мира», дзе працуе «Спутник» і які ўзначальвае генэрал-маёр. Што такое «Дом Масквы» ў Менску ГЛЯДЗІЦЕ ТАКСАМА: У Сьвята-Елісавецінскім манастыры новы год пачалі з адпраўкі ў так званую «ДНР» ахвяраваньняў і дапамогі