Агульны чысты прыбытак рэзыдэнтаў свабодных эканамічных зон (СЭЗ) Беларусі за тры першыя кварталы 2023 году скараціўся на 13,7% да студзеня–верасьня 2022-га, да 1 млрд 620,4 млн рублёў, сьведчыць праведзены «Позіркам» аналіз інфармацыі Нацыянальнага статыстычнага камітэту.
Прыбытак нарасьцілі тры з шасьці СЭЗ: «Гродна-Інвэст» — да 362,1 млн (у 2,4 раза), «Берасьце» — да 326,6 млн рублёў (6,7%), «Віцебск» — да 128,2 млн (37,6%).
Зона «Менск» за дзевяць месяцаў паказала прыбытак у 504,6 млн (-17,1%), «Гомель-Ратон» — 169,6 млн рублёў (-53,7%), «Магілёў» — 129,3 млн (-62,9%).
На 1 кастрычніка 2023 году ў свабодных эканамічных зонах Беларусі было 425 рэзыдэнтаў (+5), у якіх працавалі 136 438 чалавек (-1,5%).
Сальда замежнага гандлю таварамі за год павялічылася да 2 млрд 696,7 млн даляраў (+4,9%), паслугамі — зьменшылася да −28 млрд 664,4 млн (-44,7%).
ГЛЯДЗІЦЕ ТАКСАМА: Канец танным крэдытам? Летась беларусы пазычылі 12 млрд рублёў, экспэрт патлумачыў, да чаго гэта можа прывесьці ГЛЯДЗІЦЕ ТАКСАМА: Беларусбанк вырашыў даваць танныя крэдыты пад 4%, але ёсьць нюанс. Расказваем, што ня так з такім рашэньнем