Савет Міністраў Рэспублікі Беларусь афіцыйна прызначыў прадстаўнікоў дзяржавы ў органах кіраваньня буйных дзяржаўных прадпрыемстваў. Пастанова набыла моц.
Юры Чабатар будзе прадстаўляць інтарэсы дзяржавы на МАЗе і «Нафтане». Раней Аляксандар Лукашэнка прызначыў яго міністрам эканомікі.
ГЛЯДЗІЦЕ ТАКСАМА: Маці — дасьледчыца мовы Коласа, сам ствараў умовы расейскім інвэстарам. Што вядома пра новага міністра эканомікі Юрыя ЧабатараСтаршыня Дзяржаўнага камітэту маёмасьці Дзьмітры Матусевіч — новы прадстаўнік дзяржавы на прадпрыемстве «Сьветлагорскі ЦКК».
Першы намесьнік Матусевіча Пятро Броўкін застанецца прадстаўніком дзяржавы на прадпрыемствах «Беларуськалій», «Белаўтадар» і «Нетра Нежын». Пры гэтым зь пераліку заводаў пад ягоным куратарствам выключылі «Крион» і Мазырскі НПЗ.
Старшыня «Белнафтахіму» Андрэй Рыбакоў стаў прадстаўніком дзяржавы ў «Магілёўхімвалакне», а намесьнік старшыні «Белдзяржхарчпраму» Аляксандар Кіжук — на Жабінкаўскім цукровым заводзе і Скідальскім цукровым камбінаце.
ГЛЯДЗІЦЕ ТАКСАМА: «Неймаверная балбатня пра посьпехі і перамогі». Час, калі Лукашэнка паўтарае памылкі позьняга БрэжневаШэраг намесьнікаў старшыні «Белнафтахіму» атрымалі званьне прадстаўніка дзяржавы:
- Сьвятлана Гурына — Гомельскі хімзавод, «Полацак-Шкловалакно»,
- Віталь Мілевіч — «Гродна Азот» і «Лякафарба»,
- Уладзімер Сізоў — Беларуская нафтавая кампанія, Мазырскі НПЗ,
- Андрэй Сойка — «Нафтан» і «СьветлагорскХімвалакно».