Затрыманьні праводзілі на тэрыторыі 10 ваяводзтваў Польшчы 8–10 студзеня 2024 году.
«Зламысьнікі масава рассылалі SMS-паведамленьні з інфармацыяй аб неабходнасьці даплаты за пасылку, адпраўленьне ці рахунак за электраэнэргію. У паведамленьнях зьмяшчаліся спасылкі, якія перанакіроўвалі ахвяр на сайты, якія імітуюць інтэрнэт-парталы электроннага банкінгу», — гаворыцца ў заяве CBZC.
Адзначаецца, што кібэрзлачынцы, сярод якіх былі грамадзяне Беларусі і Ўкраіны (іхная роля ў парушэньні закону не канкрэтызуецца), адправілі фальшывыя тэкставыя паведамленьні і падманулі звыш 800 чалавек на суму больш як 2,5 мільёна злотых (звыш 600 тысяч даляраў).
Падчас ператрусаў, якія прайшлі на 23 аб’ектах, польскія сілавікі канфіскавалі рэчавыя доказы, у тым ліку банкаўскія дакумэнты, плацежныя карты, тэлефоны, кампутары, носьбіты інфармацыі.
Фігурантам выставілі абвінавачаньні ва ўдзеле ў арганізаванай злачыннай групе, крадзяжы з банкаўскіх рахункаў, кампутарным махлярстве, адмываньні грошай. Пяцёра затрыманых узялі пад варту па рашэньні суду.
ГЛЯДЗІЦЕ ТАКСАМА: Польшча арыштавала беларуса на запыт беларускіх сілавікоў ГЛЯДЗІЦЕ ТАКСАМА: У Польшчы за арганізацыю нелегальнай міграцыі затрымалі больш за 20 чалавек, у тым ліку грамадзян Беларусі