З браслаўскага музэю традыцыйнай культуры пасьля затрыманьняў звольнілі 7 чалавек

Музэй традыцыйнай культуры ў Браславе. Архіўнае фота

Звальненьні адбыліся пасьля пакараньня супрацоўнікаў музэю адміністрацыйнымі арыштамі і штрафамі.

Пра гэта паведамляе Праваабарончы цэнтар «Вясна».

Супрацоўнікаў музэю затрымалі ў ноч перад выставаю «Калядныя ўзоры», якая адкрылася ў музэі 22 сьнежня.

Страцілі працу і тыя, хто адбываў адміністрацыйны арышт, у тым ліку цяпер ужо былая загадчыца музэю Элеанора Зінкевіч, і тыя, каму прысудзілі штрафы.

ГЛЯДЗІЦЕ ТАКСАМА: Дырэктарку браслаўскага Музэя традыцыйнай культуры Элеанору Зінкевіч арыштавалі на 15 сутак

Вызваленыя пасады пакуль не занятыя: у Браславе проста няма адмыслоўцаў у музэйнай справе, тым болей такога вузкага профілю — знаўцаў традыцыйнай культуры.

Паведамляецца, што музэй прымае наведнікаў, але дасьледчыцкая і навуковая праца ўстановы пад пытаньнем — ёю цяпер папросту няма каму займацца.