«Незадоўга да 6 гадзіны вечара аўтамабіль сутыкнуўся са зьнешняй брамай комплексу Белага дому», — паведаміў прадстаўнік службы Энтані Гульельмі ў сацыяльнай сетцы Х. Ён дадаў, што кіроўца затрыманы, а «прычына і характар сутыкненьня» высьвятляюцца.
Shortly before 6p.m., a vehicle collided with an exterior gate on the White House complex. The driver has been taken into custody & we are investigating the cause & manner of the collision. Expect traffic implications at 15th Street & Pennsylvania Ave & adjacent intersections. pic.twitter.com/n3M7zsFkvm
— Anthony Guglielmi (@SecretSvcSpox) January 8, 2024
Прэзыдэнт Джо Байдэн у момант інцыдэнту знаходзіўся за межамі гораду.
Паліцыя Вашынгтону праверыла аўтамабіль і забрала яго. Кіроўца застаецца пад вартай.
У апошнія гады Белы дом стаў арэнай цэлага шэрагу гучных пранікненьняў на яго тэрыторыю, што прывяло да ўзьвядзеньня вакол рэзыдэнцыі прэзыдэнта больш высокага і трывалага мэталічнага плота ў 2020 годзе. Пры гэтым розныя здарэньні адбываліся пры ўсіх апошніх трох прэзыдэнтах.
У 2017 годзе мужчына пералез праз агароджу і блукаў па тэрыторыі больш за 15 хвілін, перш чым яго арыштавалі. Тагачасны прэзыдэнт Дональд Трамп тады знаходзіўся ў будынку.
У 2014 годзе, калі прэзыдэнтам быў Барак Абама, вэтэран арміі ЗША пералез праз агароджу Белага дому і прабег па лужку, пасьля чаго ўвайшоў у будынак з нажом у кішэні.
ГЛЯДЗІЦЕ ТАКСАМА: Байдэн: Пуцін дарэмна «робіць стаўку» на правал ЗША ў аказаньні дапамогі Ўкраіне ГЛЯДЗІЦЕ ТАКСАМА: Сэнат ЗША ўхваліў рэкордныя выдаткі на абарону ў 886 мільярдаў даляраў