Сайт інфармацыйнай агенцыі БелТА зазнаў нападу з боку антыўрадавых хакераў.
Сайт не адкрываўся некалькі гадзін. Увечары (на 20:00) ён зноў перастаў працаваць.
Кібэрпартызаны паведамілі, што ўзламана ўнутраная сетка БелТА, адкуль выпампавана 90Гб зьвестак, а гэта ўнутраныя дакумэнты, бухгальтэрыя, асабістая інфармацыя пра супрацоўнікаў.
Ёсьць і іншыя тэхнічныя праблемы, у тым ліку з сэрвэрамі, якімі карыстаецца тэлеграфная агенцыя.
Кібэрпартызаны паведамляюць, што праца ў офісах БелТА паралізаваная, супрацоўнікі вымушаныя працаваць дома, бо ня маюць доступу да працоўных кампутараў.
Ад сябе Кібэрпартызаны пакінулі на сайце шэраг загалоўкаў і пасланьне з патрыятычным воклічам «Жыве Беларусь!».
ГЛЯДЗІЦЕ ТАКСАМА: Кібэрпартызаны ўзламалі сайт радыё «Мир» ГЛЯДЗІЦЕ ТАКСАМА: Кібэрпартызаны ўзламалі сайт беларускага Чырвонага Крыжа і апублікавалі ўнутраныя дакумэнты, датычныя вывазу ўкраінскіх дзяцей