З кастрычніка 2022 года па лістапад 2023 года беларусы аформілі больш за 174 тысячы дэклярацыі Tax free на суму ў 4,77 млн эўра, піша Delfi з спасылкай на літоўскую падатковую інспэкцыю.
25,5% зьдзейсьненых беларусамі пакупак – гэта электроніка і бытавая тэхніка з магазінаў Topo centras, Elektromarkt і іншых. Яшчэ 21,9% пакупак – тавары для дома, 17,91% – адзеньне і абутак, 7,77% – харчовыя тавары, 5,97% – спартовыя, 2,32% – парфумэрыя і касмэтыка, 0,86% – гадзіны і ювелірныя вырабы, піша Delfi з спасылкай Global Blue Lietuva.
Сярэдні пакупніцкі кошык беларуса ў Літве, за які запрошваюць вяртаньне Tax free, сёлета склаў 235 эўра.
За кожны вернуты беларусам эўра Літва атрымала 1,5 эўра, адзначылі ў Global Blue Lietuva.
ГЛЯДЗІЦЕ ТАКСАМА: Пра новыя абмежаваньні для беларусаў літоўскія палітыкі пакуль спрачаюцца, — камэнтар літоўскага палітоляга ГЛЯДЗІЦЕ ТАКСАМА: У Літве расказалі, колькі беларусаў прызналі «пагрозай нацыянальнай бясьпецы» за апошні год