Дакумэнт апублікавалі на расейскім партале прававой інфармацыі.
Паводле дамовы, бок, які прымае, мае бясплатна забясьпечыць воінскі кантынгент неабходнай нерухомай маёмасьцю. Рамонтам узбраеньня, ваеннай і спэцыяльнай тэхнікі, транспартных сродкаў, а таксама іх сэрвісным абслугоўваннем зоймуцца арганізацыі той краіны, якой яны належаць.
7 сьнежня Савет Федэрацыі Расеі ўхваліў ратыфікацыю пратакола паміж Расеяй і Беларусьсю аб сумесным гарантаваньні рэгіянальнай бясьпекі ў вайсковай сфэры ад 19 сьнежня 1997 году.
5 сьнежня Дзяржаўная дума ратыфікавала пагадненьне паміж Расеі і Беларусьсю аб стварэньні і функцыянаваньні навучальна-баявых цэнтраў на тэрыторыі дзьвюх краін.
«У адпаведнасьці з пагадненьнем, вучэбна-баявыя цэнтры прызначаны для сумеснай падрыхтоўкі вайскоўцаў узброеных сіл бакоў, практычнай адпрацоўкі задач баявога дзяжурства, павышэньня ўзроўню зладжанасьці і баявой вывучкі», — гаварылася ў паведамленьні ніжняй палаты расейскага парлямэнту.
- Дакумэнт аб вучэбна-баявых цэнтрах быў падпісаны 28 сакавіка 2023 году ў Менску.
- 17 ліпеня Аляксандар Лукашэнка падпісаў адпаведны закон, які «рэгулюе пытаньні стварэньня і функцыянаваньня вучэбна-баявых цэнтраў на базе воінскіх частак у Беларусі і Расеі, вызначае іх асноўныя задачы і парадак узаемадзеяньня міністэрстваў абароны пры арганізацыі ўсебаковага забесьпячэньня гэтых цэнтраў».