Дата дня
9 сьнежня 1891 году ў Менску нарадзіўся Максім Багдановіч, паэт, удзельнік нацыянальна-вызвольнага руху пач. ХХ ст.
Гэты дзень у гісторыі
1948 — Генэральная Асамблея ААН ухваліла Міжнародную канвэнцыю аб папярэджваньні злачынства генацыду і пакараньні за яго.
1961 — у Ерусаліме ізраільскі суд прызнаў Адольфа Айхмана вінаватым у злачынствах супраць чалавецтва і прыгаварыў да сьмяротнага пакараньня. У нацысцкай Нямеччыне Айхман узначальваў аддзел у справе габрэяў Галоўнай управы імпэрскай бясьпекі.
Адольф Айхман у ізраільскай турме
1976 — заснаваны Беларускі дзяржаўны музэй народнай архітэктуры і побыту.
1981 — у Менску адкрылі помнік Максіму Багдановічу.
1990 — Лех Валэнса перамог на прэзыдэнцкіх выбарах у Польшчы.
Лех Валэнса
2001 — у горадзе Старыя Дарогі Менскай вобласьці ўрачыста адкрыты помнік паэтцы Ларысе Геніюш.
2020 — памёр Вячаслаў Кебіч, першы прэм’ер-міністар Рэспублікі Беларусі, які падпісаў Белавескія пагадненьні.
У гэты дзень нарадзіліся
1842 — Пётра Крапоткін, расейскі тэарэтык анархізму, гісторык, літаратар.
Пётра Крапоткін
1893 — Станіслаў Шыманоўскі, беларускі паэт.
1916 — Керк Дуглас, амэрыканскі актор, сын эмігрантаў зь Беларусі.
Керк Дуглас
У памяці
1268 — Войшалк, вялікі князь літоўскі (забіты).
1973 — Янка Шутовіч, літаратуразнаўца, выдавец, грамадзкі дзяяч, удзельнік нацыянальна-вызвольнага руху 1920–1930-х у Заходняй Беларусі, вязень польскіх турмаў і ГУЛАГу.
2004 — Сяргей Войчанка, беларускі мастак і дызайнэр.
2016 — Уладзімер Дзіско, заслужаны настаўнік Беларусі, выкладчык беларускай мовы Коласаўскага ліцэю.