Аб прысуджэньні траім беларусам прэстыжнай прэміі паведаміў галоўны дарадца Сьвятланы Ціханоўскай Франак Вячорка.
Правацэнтрысцкія партыі Беларускі народны фронт (БНФ) і Аб’яднаная грамадзянская партыя (АГП), якія да свайго турэмнага зьняволеньня ачольвалі Рыгор Кастусёў і Мікалай Казлоў адпаведна, уваходзяць у Міжнародны дэмакратычны саюз.
Атрымліваючы прэмію ў Вашынгтоне, Ціханоўская адзначыла, што прысьвячае прэмію тым, у каго аднялі свабоду: беларускім палітвязьням, у тым ліку Алесю Бяляцкаму, Марыі Калесьнікавай, Мікалаю Статкевічу, Арцёму Лябедзьку. Яна дадала, што ўзнагарода паказвае беларускім палітвязьням, што аб іх памятаюць.
Сьвятлана Ціханоўская з узнагародай
Палітык падкрэсьліла, што на беларусаў «палююць за іх палітычныя погляды, любоў да сваёй краіны, любоў да дэмакратыі і свабоды», адзначыўшы, што гэта адбываецца ў цэнтры Эўропы і гэта жудасна.
ГЛЯДЗІЦЕ ТАКСАМА: Пачаўся Стратэгічны дыялёг ЗША зь беларускімі дэмакратычнымі сіламі. Што ў праграме?Узнагароду Буша — Тэтчар «За свабоду» ўручаюць за асаблівы ўнёсак у прасоўваньне каштоўнасьцяў дэмакратыі і правоў чалавека.
Мікалай Казлоў зь лютага 2023 году асуджаны на 2,5 года турмы. Рыгор Кастусёў, затрыманы ў красавіку 2021 году, адбывае 10-гадовы турэмны тэрмін, сутыкаючыся зь неаказаньнем мэдычнай дапамогі за кратамі (палітык мае анкалягічную хваробу). Крымінальны перасьлед абодвух праваабаронцы прызналі палітычным.
ГЛЯДЗІЦЕ ТАКСАМА: Ціханоўская разьлічвае распрацаваць сумесную з ЗША «стратэгію па Беларусі» ГЛЯДЗІЦЕ ТАКСАМА: Навіны палітвязьняў: Ад Рыгора Кастусёва прыйшоў першы ліст з ПКТ