Як піша дзяржаўнае агенцтва БелТА, на паседжаньні абмяркоўвалі «падыходы Міністэрства інфармацыі да выключэньня з продажу выданьняў, якія скажаюць гістарычную праўду, і альгарытм міжведамаснага ўзаемадзеяньня па выняцьці зь бібліятэчных фондаў экстрэмісцкіх выданьняў».
Аднак кіраўнік адміністрацыі Лукашэнкі Ігар Сергеенка зазначыў, што размова аб зьнішчэньні кніг не ідзе.
«Можа быць, насьпела неабходнасьць выпрацаваць крыху іншыя мэханізмы. Размова не ідзе аб фізычным зьнішчэньні тых ці іншых выданьняў», — сказаў Сергеенка.
ГЛЯДЗІЦЕ ТАКСАМА: «Гэта абсурд, каб быць праўдай». Нашчадкі Дунін-Марцінкевіча адрэагавалі на прызнаньне экстрэмісцкімі ягоных твораўУлады Беларусі зьвяртаюць больш пільную ўвагу на кнігі і сыстэматычна пашырае сьпіс так званых экстрэмісцкіх матэрыялаў.
Сёньня ў Беларусі рэпрэсіі ідуць ня толькі супраць жывых грамадзян краіны, але і супраць клясыкаў беларускай літаратуры. Улады актыўна ўзяліся за сфэру культуры — ліквідуюць незалежныя выдавецтвы, даюць загад прыбраць зь дзяржаўных бібліятэк «няправільную» літаратуру, а творы вядомых аўтараў прызнаюць экстрэмісцкімі.
ГЛЯДЗІЦЕ ТАКСАМА: Зборнікі твораў клясыка беларускай літаратуры Вiнцэнта Дунiн-Марцiнкевiча прызналі «экстрэмісцкімі» ГЛЯДЗІЦЕ ТАКСАМА: Выбраныя творы Геніюш, Някляева, Арсеньневай і іншых аўтараў трапілі ў сьпіс «экстрэмісцкіх матэрыялаў»