Нобэлеўскую прэмію па эканоміцы 2023 года атрымала амэрыканская эканамістка Клаўдыя Голдын за дасьледаваньні становішча жанчын на рынку працы. Пра гэта паведамляе Нобэлеўскі камітэт.
BREAKING NEWSThe Royal Swedish Academy of Sciences has decided to award the 2023 Sveriges Riksbank Prize in Economic Sciences in Memory of Alfred Nobel to Claudia Goldin “for having advanced our understanding of women’s labour market outcomes.”#NobelPrize pic.twitter.com/FRAayC3Jwb
— The Nobel Prize (@NobelPrize) October 9, 2023
Голдын сабрала зьвесткі больш як за 200 гадоў, каб прадэманстраваць, як і чаму зьмяніліся гендэрныя адрозьненьні ў даходах і ўзроўні занятасьці насельніцтва. Сярод іншага, яе дасьледаваньні тлумачаць прычыны гендэрнага разрыву, які захоўваецца на рынку працы.
Таксама Голдын паказала, што доступ да супрацьзачаткавых таблетак адыграў важную ролю на рынку працы, даўшы жанчынам больш магчымасьцяў для пабудовы кар’еры.
- Прэмію ў галіне эканомікі памяці Альфрэда Нобэля заснаваў Цэнтральны банк Швэцыі ў 1968 годзе.
- Нобэлеўскія ляўрэаты атрымліваюць залаты мэдаль, імянны дыплём і грашовую прэмію.
- Сёлета яна складае 11 мільёнаў шведзкіх крон, ці каля 994 тысяч даляраў ЗША. Узнагароду могуць падзяліць да трох чалавек, а прэмія міру можа прысуджацца групам.