У Расеі бюст Сталіна паставілі ў мэмарыяльным комплексе, прысвечаным ахвярам палітычных рэпрэсій

Адзначаецца, што ў «Медным» пахаваны польскія ваеннапалонныя, расстраляныя ў 1940 годзе рэгіянальным упраўленьнем НКУС, а таксама савецкія грамадзяне — ахвяры сталінскага тэрору. Раней там быў устаноўлены памятны знак «суайчыньнікам, ахвярам войнаў і рэпрэсій». Паводле інфармацыі СМІ, найбліжэйшымі днямі на тэрыторыі мэмарыялу плянуюць адкрыць нейкую выставу, у сувязі з чым і былі ўстаноўленыя скульптуры савецкіх кіраўнікоў.

У гады кіраваньня Сталіна ахвярамі масавых рэпрэсій у СССР сталі мільёны людзей. Пасьля яго сьмерці многія рэпрэсаваныя былі рэабілітаваныя, а зьвязаныя са Сталінам аб’екты, у тым ліку гарады, — перайменаваныя. Зьнесьлі таксама помнікі савецкаму правадыру. Аднак у апошнія гады ў шэрагу гарадоў Расеі былі зноў паставілі помнікі Сталіну.

У Беларусі ў 2005 годзе адкрылі вайскова-гістарычны музэй «Лінія Сталіна» на месцы міжваенных дотаў каля Менску. Тут зьявіўся першы ў гісторыі незалежнай Беларусі помнік Сталіну. Паводле гісторыкаў, «лінія Сталіна» — гэта цалкам прыдуманы прапагандыстамі аб’ект. У чэрвені 1941-га на гэтай «лініі» не магло быць баёў, бо старыя ўмацаваныя раёны тут былі зьнішчаныя самім Сталіным пасьля «вызвольнага паходу» Чырвонай арміі ў Заходнюю Беларусь, які пачаўся 17 верасьня 1939 году.