Як паведаміла прэсавая служба Міністэрства абароны, мэта візыту — «азнаёміцца з магчымасьцямі Рэспублікі Беларусь у разьвіцьці супрацоўніцтва ў вайсковай сфэры».
Мяркуецца, што афрыканскія госьці «азнаёмяцца з вайсковымі навучальнымі ўстановамі Рэспублікі Беларусь, прадпрыемствамі вайскова-прамысловага комплексу і прамысловага сэктару эканомікі, культурнай спадчынай нашай краіны», паведамляе прэсавая служба міністэрства.
Раней начальнік Дэпартамэнту міжнароднага вайсковага супрацоўніцтва Мінабароны Валеры Равенка ў эфіры тэлеканалу СТВ заявіў, што, «пачынаючы з 2020 году, мы атрымалі аб’ектыўную карціну нашых адносінаў з Захадам, абʼектыўную карціну адносін з Усходам. Мы прааналізавалі ўсё, і было прынятае рашэньне разьвіваць супрацоўніцтва, не абапіраючыся на Захад. Скажам так, адносіны зь дзяржавамі далёкай дугі. Толькі сёлета ў нас адбыліся сустрэчы зь міністрам абароны Індыі. Быў афіцыйны візыт у Іран, сустрэча зь міністрам абароны Кубы».
ГЛЯДЗІЦЕ ТАКСАМА: Золатаздабыча ў Афрыцы праз афшорныя кампаніі. Якія таямніцы беларускіх уладаў хавае «Дасье Пандоры»