Падводная лодка № 841 — названая Герой Кім Кун Ок у гонар паўночнакарэйскай гістарычнай асобы — стане адным з асноўных «падводных наступальных сродкаў вайскова-марскіх сіл» Паўночнай Карэі, заявіў лідэр дзяржавы Кім Чэн Ын на цырымоніі спуску падводнай лодкі на ваду.
Аналітыкі, як піша Reuters, кажуць, што судна, падобна, зьяўляецца мадыфікаванай падводнай лодкай клясы «Рамэо» савецкай эпохі, якую Паўночная Карэя купіла ў Кітая ў 1970-х гадах і пачала вырабляць у краіне. Па словах аналітыкаў, яго канструкцыя з 10 люкамі пускавых труб паказвае, што ён, хутчэй за ўсё, узброены балістычнымі і крылатымі ракетамі.
Але такая зброя ня надта падмацуе больш надзейныя наземныя ядзерныя сілы, бо падводныя лодкі могуць не пражыць так доўга падчас вайны, сказаў Ван Ван Дыпэн, былы экспэрт ураду ЗША ў зброі, які цяпер працуе з праектам 38 North у Вашынгтоне.
ГЛЯДЗІЦЕ ТАКСАМА: КНДР запусьціла крылатыя ракеты ў бок Жоўтага мораВайскоўцы Паўднёвай Карэі заявілі, што субмарына, здаецца, не гатовая да паўнавартаснай працы; магчыма, у яе запуску ёсьць больш прапагандысцкага эфэкту, чым рэальнай карысьці для войска.
«Цырымонія спуску на ваду падводнай лодкі абвясьціла пачатак новага пэрыяду ўмацаваньня вайскова-марскіх сіл КНДР», — заявіла агенцтва KCNA.
Паўночная Карэя плянуе ператварыць іншыя існыя падводныя лодкі ў караблі зь ядзернай зброяй і паскорыць пабудову іншых атамных падводных лодак, сказаў Кім Чэн Ын.
Праграмы паўночнакарэйскай ядзернай зброі і балістычных ракет забароненыя рэзалюцыямі Рады Бясьпекі Арганізацыі Аб’яднаных Нацый, а запуск субмарыны выклікаў асуджэньне з боку Паўднёвай Карэі і Японіі. У Токіё нават заявілі, што небясьпекі ад Паўночнай Карэі стала яшчэ большай, чым дагэтуль.
ГЛЯДЗІЦЕ ТАКСАМА: У ЗША заявілі, што Масква спрабуе дамовіцца з Пхэньянам аб пастаўках боепрыпасаў