Вынікі таргоў 3 жніўня паказалі рэкордны паказьнік курсу амэрыканскай валюты.
На Беларускай валютна-фондавай біржы ў выніку таргоў 3 жніўня пастаўлены новы рэкорд курсу даляру ЗША да беларускага рубля. Вартасьць 1 даляра дасягнула 3,0875 рубля.
Папярэдні рэкорд сёлета зафіксавалі 6 ліпеня, калі даляр каштаваў 3,0764 рубля.
Эўра ў выніку таргоў 3 жніўня каштуе 3,379 рубля. Яго найвышэйшы гадавы курс быў 24 ліпеня, калі за 1 эўра давалі 3,4 беларускіх рубля.
Курсы ў камэрцыйных банках могуць адрозьнівацца ад курсу Нацыянальнага банку Беларусі, які вызначаецца ў выніку таргоў.
ГЛЯДЗІЦЕ ТАКСАМА: Што будзе з курсам даляра, які Лукашэнка назваў «варожай валютай», — тлумачыць эканамістка ГЛЯДЗІЦЕ ТАКСАМА: Абменьнік Prakapovich адрадзіўся ў выглядзе чат-бота. Чаму беларусы мяняюць валюту ў інтэрнэце