Пра гэта паведамляе тэлеканал «Белсат».
«Маецца на ўвазе, што калі б здарыўся напад, напрыклад, на Берасьцейскую браму, можна было б разьлічваць на тое, што каля 100 тысячаў салдатаў Альянсу былі б накіраваныя на нашую тэрыторыю для неадкладнай абароны», — адзначыў Анджэй Дуда.
Ён дадаў, што гэта прынцыпы, якія зараз прымаюцца і зацьвярджаюцца Альянсам у рамках яго абарончых плянаў.
ГЛЯДЗІЦЕ ТАКСАМА: У камюніке саміту NATO Беларусь заклікалі «спыніць зламысную дзейнасьць супраць суседзяў»Анджэй Дуда падкрэсьліў, што ў выніковым камюніке Беларусь згадвалася пяць разоў, з асаблівым акцэнтам на так званай Берасьцейскай браме як зоне стратэгічнай і ваеннай пагрозы, якая будзе знаходзіцца пад асаблівым наглядам NATO.
Адначасова прэзыдэнт Польшчы адзначыў, што зараз адбываецца зьмена рыторыкі Альянсу ў дачыненьні да Расеі:
«Расея перастала быць абсалютна ў якой-кольвек ступені партнэрам NATO. Цягам многіх гадоў былі чальцы Альянсу, якія рашуча выступалі за ўключэньне ў дакумэнты вайскова-палітычнага саюзу гэтага найменьня Расеі як партнэра NATO».
Але пры гэтым Анджэй Дуда падкрэсьліў, што сёньня няма ніякіх сумневаў у тым, што цяпер Расея — агрэсар, што Расея сёньня — самая вялікая пагроза для краінаў NATO.
ГЛЯДЗІЦЕ ТАКСАМА: «Ніколі не здавайцеся». Джо Байдэн у Вільні падтрымаў беларусаў, якія «працягваюць змагацца за свабоду» ГЛЯДЗІЦЕ ТАКСАМА: Закулісьсе саміту NATO: Ажыятаж вакол Ціханоўскай і чаму задаволеныя ўкраінцы