Паліцыя затрымала 31-гадовага мужчыну, якога падазраюць у вандалізьме. Агулам у будынку пабітыя тры шыбы, надпісы выкананыя па-ангельску і па-беларуску.
Дэпутат нідэрляндзкага парлямэнту Сьёрд Сьёрдсма ў сваім твітэры асудзіў напад на пасольства.
«Як бы справядліва вы ні злаваліся на рэжымы Беларусі, Расеі ці іншых краінаў, не нападайце на іх амбасады ці рэзыдэнцыі. Вы нікому не дапамагаеце і робіце менш бясьпечным перабываньне нашых дыпляматаў у гэтых краінах».
Hoe terecht boos je ook bent op het regime van Belarus, Rusland of andere landen, val hun ambassades of residenties niet aan. Je helpt er niemand mee en maakt onze diplomaten in die landen onveiliger. https://t.co/hiOEGsDn84
— Sjoerd Wiemer Sjoerdsma (@swsjoerdsma) July 2, 2023
Як паведаміў сайт omroepwest, частку надпісаў апоўдні ўдалося сьцерці, а шыбы часова заклалі кардонам.
Нідэрляндзкія журналісты пішуць, што напад найверагодней адбыўся з прычыны нязгоды з палітыкай Лукашэнкі. Мясцовыя газэты нагадваюць, што Аляксандар Лукашэнка — блізкі саюзьнік расейскага прэзыдэнта Ўладзіміра Пуціна і падтрымлівае яго ў крывавай вайне супраць Украіны, на якой загінулі дзясяткі тысяч людзей. У самой жа Беларусі рэжым Лукашэнкі працягвае масавыя палітычныя рэпрэсіі супраць нязгодных.
Напад у Гаазе ўжо ня першая атака на беларускія дыпляматычныя прадстаўніцтвы за мяжой. Раней падпальвалі дзьверы амбасады РБ у Бэльгіі, а ў Вільні зламалі флагшток з чырвона-зялёным сьцягам на ім і кідалі на тэрыторыю амбасады лямпадку.
ГЛЯДЗІЦЕ ТАКСАМА: «Гэта ня іх грамадзяне». Ці рэальна беларусу за мяжой атрымаць дапамогу ў амбасадзе? ГЛЯДЗІЦЕ ТАКСАМА: Беларусу, які падпаліў дзьверы амбасады Беларусі ў Брусэлі, далі 3 гады ўмоўна