Пра пуцінскае даручэньне міністар аховы здароўя Расеі Міхаіл Мурашка расказаў у выступу пра законапраект аб забароне зьмены полу ў Дзяржаўнай думе, які прынялі ў першым чытаньні.
Дэпутат Анатолій Васэрман спытаў міністра, ці працуе міністэрства аховы здароўя над дасьледаваньнямі «псыхіятрычных мэтадаў прывядзеньня гэтых уяўленьняў [аб гендэрных ролях і сэксуальнасьці людзей] у адпаведнасьць з рэальнасьцю».
Паводле Мурашкі, такую ўстанову створаць у цэнтры псыхіятрыі і наркалёгіі імя Сербскага ў Маскве.
ГЛЯДЗІЦЕ ТАКСАМА: Афрыканская краіна прыняла закон аб сьмяротным пакараньні для ЛГБТ+ людзейПраект «Важные истории» з спасылкай на расейскія ЛГБТ-рэсурсы напісаў, што гэта можа азначаць дазвол на канвэрсійную тэрапію — комплекс ілжэнавуковых фізычных і псыхалягічных гвалтоўных мэтодык «лячэньня» любой негетэрасэксуальнай арыентацыі. У ААН крытыкуюць такія мэтады і называюць іх формай катаваньняў.
Законапраект аб забароне «зьмены полу», унесены ў Дзяржаўную думу, цалкам выключае магчымасьць трансгендэрнага пераходу пры дапамозе хірургічных апэрацыяў. Такія апэрацыі будуць дапускацца толькі для «лячэньня прыроджаных фізіялягічных анамаліяў фармаваньня полу ў дзяцей», а для гэтага будзе неабходна адпаведнае рашэньне лекарскай камісіі дзяржаўнай установы аховы здароўя.
Юрыдычную зьмену гендэрнага маркеру таксама забароняць.
ГЛЯДЗІЦЕ ТАКСАМА: Дзярждума Расеі ў першым чытаньні прыняла закон аб забароне «зьмены полу» ГЛЯДЗІЦЕ ТАКСАМА: У Менску напалі на дзяўчыну-трансгендэра са сьцяжкамі Ўкраіны і ЛГБТ+. Празь некалькі дзён яна знайшлася на «сутках»