Беларускія тавары пастаўляюць на акупаваныя тэрыторыі Ўкраіны.
ПВК «Вагнэр», якая напярэдадні адмовілася падпісваць кантракт, якога ад усіх «добраахвотнікаў» запатрабаваў міністар абароны Расеі Сяргей Шайгу, на адным са сваіх каналаў апублікавала відэа дастаўкі зброі і харчу вайскоўцам, якія падначальваюцца Міністэрству абароны. Сярод тавараў, які трапілі ў кадар — згушанка зь беларускага Рагачова.
Таксама вагнэраўцы адзначаюць, што правядуць для вайскоўцаў лекцыі і «падзеляцца баявым досьведам».
ГЛЯДЗІЦЕ ТАКСАМА: Міністэрства абароны Расеі абавязала ўсе «добраахвотніцкія» фармаваньні падпісаць кантракты. Кіраўнік «вагнэраўцаў» адмовіўсяЗа Бахмут ужо некалькі месяцаў ідуць напружаныя баі паміж украінскімі і расейскімі войскамі.
Днямі беларускі полк імя Каліноўскага паказаў, як выглядаюць ваколіцы Бахмуту. Горад і яго прыгарады зруйнаваныя бясконцымі абстрэламі.
ГЛЯДЗІЦЕ ТАКСАМА: Полк Каліноўскага паказаў, як выглядаюць зруйнаваныя ракетамі і бомбамі ваколіцы Бахмуту. Відэа ГЛЯДЗІЦЕ ТАКСАМА: Гарэлка, трактары, «малочка». Як Беларусь супрацоўнічае з часова акупаванымі тэрыторыямі Ўкраіны