Аб гэтым расказаў дзяржаўны сакратар Саюзнай дзяржавы Дзьмітрый Мезенцаў, піша БЕЛТА.
«Рэжым апякунства, рэжым узгадненьня з бацькамі права пераезду дзяцей у Беларусь выконваўся ў поўнай меры... Аднаму зь кіраўнікоў дзіцячай установы Міністэрства адукацыі ЛНР (самаабвешчанай. — Рэд.) рыхтавала даверанасьць на права пераезду 30 дзяцей-сірот у Беларусь з гарантаваным вяртаньнем», — цытуе Мезенцава Zerkalo і нагадвае, што дзяцей з акупаваных тэрыторый Украіны прывозяць у Беларусь з 2016 году.
Апошнім часам гэтым займаецца і фонд паралімпійца і праўладнага актывіста Аляксея Талая.
ГЛЯДЗІЦЕ ТАКСАМА: Амбасадар Украіны ў Польшчы назваў Лукашэнку саўдзельнікам дэпартацыі ўкраінскіх дзяцей27 красавіка сёлета ПАРЭ прыняла рэзалюцыю, у якой прызнала гвалтоўную дэпартацыю ўкраінскіх дзяцей у Расею генацыдам, а Аляксандра Лукашэнку і ўрад Беларусі — датычнымі да яго.
ГЛЯДЗІЦЕ ТАКСАМА: Латушка ў Кіеве заклікаў Украіну расьсьледаваць ваенныя злачынствы Лукашэнкі супраць украінскіх дзяцейУ МЗС Беларусі запэўніваюць, што часовыя прыезды дзяцей на аздараўленьне ў Беларусь «адбываюцца з выкананьнем адпаведных прававых працэдур, усе дзеці ўяжджаюць і выяжджаюць з Беларусі легальна ў суправаджэньні дарослых, маючы на руках усе неабходныя дакумэнты».
Тым часам у «Народным антыкрызісным упраўленьні» заявілі, што рыхтуюць дакумэнты на Лукашэнку ў Гааскі суд з прычыны вывазу дзяцей з Украіны.