Пра гэта гаворыцца ў адказе Эўракамісіі на запыт дэпутата Эўрапарлямэнту ад Свабоднай дэмакратычнай партыі Нямеччыны Морыца Кёрнэра, які трапіў у распараджэньне Spiegel, піша «Эўрапейская праўда».
Паводле зьвестак Эўракамісіі, Кіпр пазбавіў «залатых пашпартоў» дзевяць расейцаў і 34 чальцоў іх сем’яў праз тое, што яны трапілі пад санкцыі, уведзеныя ЭЗ з прычыны агрэсіўнай вайны Расеі супраць Украіны. Мальта забрала пашпарты двух чалавек. Пра колькасьць беларусаў, пазбаўленых грамадзянства, не паведамляецца.
«Расейцы і беларусы, якія знаходзяцца ў санкцыйных сьпісах ЭЗ, не заслугоўваюць грамадзянства ЭЗ», — сказаў Морыц Кёрнэр.
ГЛЯДЗІЦЕ ТАКСАМА: «На нафтадаляры Пуціна Лукашэнка будуе беларускі ГУЛАГ». Лябедзька і Пінчук выступілі на Ўсясьветным парлямэнцкім кангрэсеКіпр і Мальта, як і некаторыя іншыя краіны Эўразьвязу, даўно даюць грамадзянства замежным інвэстарам у абмен на вялікія грашовыя выплаты. Уладальнікі гэтых «залатых пашпартоў» карыстаюцца перавагамі грамадзянства ЭЗ.
На Кіпры, каб атрымаць такі пашпарт, трэба было ўкласьці ня менш за 2,5 мільёна эўра.
Пасьля пачатку нападу Расеі на Ўкраіну Эўрапейская камісія зноў прызнала спрэчную практыку незаконнай і рэкамэндавала краінам ЭЗ разгледзець магчымасьць пазбаўленьня такога грамадзянства — асабліва калі людзі знаходзяцца ў санкцыйных сьпісах ЭЗ або падтрымліваюць агрэсіўную вайну Расеі.
ГЛЯДЗІЦЕ ТАКСАМА: Сталі вядомыя першыя пераможцы конкурсу «Бізнэс вольнай Беларусі». Расказваем, хто перамог і што атрымае