Каля 3-й гадзіны ночы ва Ўкраіне пачала гучаць паветраная трывога. Ужо праз гадзіну першыя выбухі пачулі жыхары Палтаўскай вобласьці.
У 4:20 сыгнал трывогі распаўсюдзіўся па ўсіх рэгіёнах краіны — украінцаў папярэдзілі аб пагрозе ракетнага ўдару.
Разбураны расейскім начным абстрэлам жылы дом ва Умані, Украіна, 28 красавіка 2023
Пазьней стала вядома пра выбухі ў Мікалаеве, Умані, Дніпры і Кіеве, паведаміў тэлеканал ТСН.
Разбураны расейскім начным абстрэлам жылы дом ва Умані, Украіна, 28 красавіка 2023
Расейцы ўдарылі па шматпавярховіку ва Умані. Кіраўнік Чаркаскай абласной вайсковай адміністрацыі Ігар Табурэц расказаў пра 17 загінулых і шмат параненых.
Ратавальныя работы на месцы пашкоджаных жылых дамоў у Кіеве пасьля расейскіх ракетных удараў па некалькіх гарадах Украіны, 28 красавіка 2023
Акрамя пацярпелага ад ракеты шматпавярховіка, у якім разбураны пад'езд, ад выбуховай хвалі пацярпелі яшчэ тры будынкі вакол.
Наступствы ракетнай атакі на горад Дніпро. 28 красавіка 2023
У Дніпры ад расейскага ўдару загінулі маладая жанчына і трохгадовае дзіця. Яшчэ чацьвёра чалавек траўмаваныя.
Наступствы ракетнай атакі на горад Дніпро. 28 красавіка 2023
Расейцы атакавалі Кіеўшчыну і саму сталіцу Ўкраіны з самалётаў стратэгічнай авіяцыі. Паводле папярэдніх зьвестак, у паветранай прасторы Кіева зьнішчана 11 крылатых ракет. Таксама зьбілі два дроны, іх тып у цяперашні час высьвятляюць.
Ратавальныя работы на месцы пашкоджаных жылых дамоў у Кіеве 28 красавіка пасьля расейскіх ракетных удараў па некалькіх гарадах Украіны
Абломкі ў Абалонскім раёне Кіева абарвалі камунікацыі мясцовай ЛЭП і пашкодзілі дарожнае пакрыцьцё. Ахвяр сярод мірнага насельніцтва і разбурэньняў жылых аб’ектаў або інфраструктуры пакуль не зафіксавалі.
Да абстрэлаў у Херсонскай вобласьці расейскія войскі забілі жанчыну. Ракета пацэліла ў прыватны дом, у двары якога знаходзілася пажылая пара.
ГЛЯДЗІЦЕ ТАКСАМА: У Мікалаеве абстралялі жылы дом, у Херсоне — журналістаў. Ёсьць загінулыя ГЛЯДЗІЦЕ ТАКСАМА: Расьсьледаваньне: Пуцін прыняў рашэньне аб вайне з Украінай яшчэ ў 2021 годзе праз «асабістую крыўду і жаданьне помсты»Вайна Расеі супраць Украіны
- А 5-й гадзіне раніцы 24 лютага 2022 году кіраўнік Расеі Ўладзімір Пуцін заявіў пра пачатак ваеннай апэрацыі супраць Украіны на Данбасе па просьбе груповак «ДНР» і «ЛНР». 21 лютага падчас тэлезвароту да расейцаў Пуцін назваў так званыя «ДНР» і «ЛНР» незалежнымі дзяржавамі ў межах абласьцей. 22 лютага Савет Фэдэрацыі ратыфікаваў гэтае рашэньне.
- Расейскія войскі атакавалі ў тым ліку з тэрыторыі Беларусі, выкарыстоўваючы лётнішчы, базы і дарогі. Прадстаўнікі рэжыму Лукашэнкі апраўдваюць вайну, яго праціўнікі лічаць тэрыторыю Беларусі акупаванай, многія заклікаюць да супраціву расейскім захопнікам.
- Насуперак заявам Пуціна пра атакі выключна на вайсковыя аб'екты, расейцы бамбяць школы, дзіцячыя садкі і жылыя кварталы ўкраінскіх гарадоў.
- 2 красавіка 2022 году, пасьля вызваленьня гораду Буча пад Кіевам, фотакарэспандэнты апублікавалі дзясяткі фотаздымкаў, на якіх відаць сотні нябожчыкаў, ахвяр масавых забойстваў, учыненых расейскімі войскамі. Многія пахаваныя ў стыхійных брацкіх магілах. Вялікія разбурэньні прынесла расейская акупацыя і Барадзянцы.
- З 24 лютага Расея захапіла толькі адзін абласны цэнтар — Херсон. Расейскія войскі адступілі зь яго і з правабярэжнай часткі Херсонскай вобласьці ў лістападзе 2022 году. Горад быў акупаваны расейскімі войскамі ў першыя дні вайны фактычна без баёў. Увосень 2022 году ўкраінскія войскі правялі маштабны контранаступ, у выніку якога расейскія сілы пакінулі большасьць сваіх пазыцый у Харкаўскай вобласьці.
- Нягледзячы на першапачатковыя заявы Пуціна пра тое, што акупацыя ўкраінскіх тэрыторыяў не ўваходзіць у пляны ўварваньня, 30 верасьня 2022 году была абвешчана анэксія чатырох вобласьцяў Украіны (Данецкай, Запароскай, Луганскай і Херсонскай), у тым ліку і тэрыторыяў, якія Расея не кантралявала.
- 21 верасьня 2022 году Пуцін заявіў пра мабілізацыю ў Расеі. Пасьля гэтай заявы тысячы расейцаў накіраваліся на памежныя пункты і пачалі выяжджаць у Грузію, Казахстан, Армэнію, Манголію, Фінляндыю і іншыя краіны. У самой Расеі праціўнікі вайны падпалілі некалькі вайсковых камісарыятаў.
- У 2023 годзе Лукашэнка і Пуцін заявілі пра разьмяшчэньне ў Беларусі расейскай ядзернай зброі. 13 чэрвеня Лукашэнка сказаў, што частка ядзернай зброі ўжо дастаўлена з РФ у Беларусь. 16 чэрвеня Пуцін таксама заявіў, што першыя ядзерныя зарады ўжо дастаўленыя на тэрыторыю Беларусі, а астатнюю частку перамесьцяць «да канца лета або да канца году».
- 3 верасьня ўкраінскі брыгадны генэрал Аляксандар Тарнаўскі заявіў, што Ўзброеныя сілы Ўкраіны прарвалі першую лінію абароны на запароскім кірунку, на якую расейцы выдаткавалі больш за ўсё рэсурсаў.
- У канцы 2023 і на пачатку 2024 расейцы працягвалі масавыя абстрэлы ўкраінскіх гарадоў: Дніпры, Кіеве, Харкаве, Адэсе і іншых месцах дзясяткі людзей загінулі і атрымалі раненьні. Украінскі бок у адказ абстрэльваў расейскі Белгарад, некалькі чалавек загінулі. Узброеныя сілы дзьвюх краін рэгулярна атакуюць падкантрольныя адна адной тэрыторыі бесьпілётнікамі.
- Агулам з пачатку 2024 году ўкраінскія дроны пашкодзілі 18 расейскіх НПЗ, што прывяло да скарачэньня вытворчасьці амаль на 14%. У сакавіку былі атакаваныя такія абʼекты, як Разанскі НПЗ «Раснафты» і завод «Лукойла» ў Кстове ў Ніжагародскай вобласьці. Абодва ўваходзяць у топ-10 найбуйнейшых НПЗ Расеі і забясьпечваюць бэнзінам Маскву.
- 6 жніўня 2024 году Ўкраіна пачала апэрацыю ў Курскай вобласьці. 19 жніўня прэзыдэнт Украіны Ўладзімір Зяленскі заявіў, што пад кантролем Украіны ў ходзе апэрацыі Ўзброеных сілаў Украіны знаходзяцца 92 паселішчы Курскай вобласьці Расеі. Галоўнакамандуючы Ўзброенымі сіламі Ўкраіны Аляксандар Сырскі ўдакладніў, што такіх населеных пунктаў 82. Улады Ўкраіны заявілі пра стварэньне ваенных камэндатураў і арганізацыі перадачы «гуманітарнай дапамогі ў населеныя пункты, якія знаходзяцца пад кантролем Украіны». Экспэрты Інстытуту вывучэньня вайны, прааналізаваўшы заявы і відэаматэрыялы з геалякацыяй, выказалі меркаваньне, што Ўкраіна кантралюе ў Курскай вобласьці ня ўсю тэрыторыю ў заяўленых межах прасоўваньня.
- 16-18 жніўня ўкраінскія сілы падарвалі тры масты, якія мелі стратэгічнае значэньне для матэрыяльна-тэхнічнага забесьпячэньня групоўкі расейскіх войскаў ва Ўкраіне і вайсковай авіяцыі, якая базуецца ў Курскай вобласьці.
- Незалежная праверка інфармацыі пра ваенныя дзеяньні, якую даюць афіцыйныя асобы розных бакоў, не заўсёды магчымая.