Паводле інфармацыі берасьцейскай «Вясны», 13 красавіка ў Пружанах былі масавыя затрыманьні. Гаворка пра 20 чалавек. У людзей праводзілі ператрусы, правяралі тэлефоны, зь іх удзелам запісвалі відэа. Пасьля гэтага большасьць адпусьцілі дамоў, але некаторых пакінулі ў ізалятары «ў чаканьні суду».
ГЛЯДЗІЦЕ ТАКСАМА: Хроніка перасьледу 23 сакавіка: затрыманьні ў Пінску, Горадні, Гомлі, Мазыры, Калінкавічах, ВоршыУ Пінску сілавікі праводязць рэйды яшчэ з папярэдняга тыдня. Прыходзяць па дамах, на працу. Сілавікі прыходзяць да людзей, якія былі асуджаны ў палітычнай адміністрацыйнай справе ў 2020 годзе, праводзяць нібыта «прафіляктычныя размовы», «агляд» дома, а таксама прапануюць паказаць свае тэлефоны.
ГЛЯДЗІЦЕ ТАКСАМА: Спачатку арыштоўваюць яны, потым прыйдуць па іх. Пра лёгіку лукашэнкаўскіх палітычных рэпрэсійВынікі затрыманьняў у Дзяржынску
У Дзяржынску больш за 10 чалавек апынуліся ў СІЗА пасьля рэйду сілавікоў. Пра гэта паведамляе са спасылкай на свае крыніцы Праваабарончы цэнтар «Вясна».
Сілавікі праводзілі рэйды ў горадзе з 31 сакавіка па 3 красавіка. Усім затрыманым, якіх прывялі ў СІЗА, інкрымінуецца арт. 342 КК («Арганізацыя і падрыхтоўка дзеяньняў, якія груба парушаюць грамадзкі парадак, або актыўны ўдзел у іх»).
ГЛЯДЗІЦЕ ТАКСАМА: Праваабаронцы паведамілі пра новыя ператрусы і затрыманьні ў Дзяржынску