Новы помнік урачыста адкрылі 25 сакавіка, а на цырымоніі прысутнічалі унук Дуж-Душэўскага і ўнучка выратаванай ім у час ІІ сусьветнай вайны жанчыны.
Пасьля абнаўленьня на памятным камяні надпісы дублююцца на беларускай мове.
Помнік Клядушу Дуж-Душэўскаму
Праўнук аўтара гістарычнай беларускай сымболікі Марыюс Душаўскас-Дуж на цырымоніі адзначыў, што ведае свайго продка «толькі па партрэтах».
«Ведаў, што ён быў інжынэрам, потым я высьветліў, што сярод іншага ён быў яшчэ і вельмі актыўным удзельнікам — спачатку барацьбы за незалежнасьць, а пасьля будаўніцтва беларускай незалежнай дзяржавы, быў аўтарам бел-чырвона-белага сьцяга», — сказаў ён.
Таксама ў акцыі адкрыцьця помніка прыняла ўдзел унучка выратаванай Дуж-Душэўскім падчас вайны жанчыны Крысьціна Расіцкайце.
ГЛЯДЗІЦЕ ТАКСАМА: Нашчадкі айцоў БНР. Як сёньня жывуць унукі Антона Луцкевіча і Аркадзя Смоліча ГЛЯДЗІЦЕ ТАКСАМА: Прарасейская актывістка дамагаецца зносу помніка Ларысе Геніюш