Санкцыйны ціск на рэжым неабходны для таго, каб пазбавіць яго фінансавых магчымасьцяў для працягу рэпрэсіўнай палітыкі ў дачыненьні да грамадзян Беларусі і ўдзелу ў агрэсіі Расеі супраць Ўкраіны, зазначылі ў Аб’яднаным пераходным кабінэце.
Мэта санкцыйнага ціску — вызваленьне палітвязьняў, пакараньне вінаватых у гвалце і новыя дэмакратычныя выбары.
ГЛЯДЗІЦЕ ТАКСАМА: Кавалеўскі ў Нью-Ёрку агітаваў не падтрымліваць уладаў Беларусі на выбарах сябра Рады Бясьпекі ААНПрынятая 7 сакавіка стратэгія «Эканамічны прымус» накіравана на падрыхтоўку рознага кшталту санкцыйных інструмэнтаў: шматбаковых і нацыянальных санкцый, сэктаральных і пэрсанальных абмежаваньняў, выпрацоўваньне прапаноў у кантролі і адказнасьці за парушэньне санкцыйных мер.
Згодна з прынятай стратэгіяй галоўнымі кірункамі эканамічнага ціску зьяўляюцца:
- Пазбаўленьне рэжыму Лукашэнкі крыніц паступленьня валюты і крэдытных рэсурсаў;
- блякаваньне магчымасьцяў для абыходу санкцый як рэжымам Лукашэнкі, так і яго саюзьнікам, пуцінскай Расеяй, каб прадухіліць незаконнае ўзбагачэньне рэжыму за кошт грамадзян і спыніць кантрабандны канал дапамогі ВПК Расеі;
- замарожваньне актываў дзяржавы, каб пазьбегнуць магчымасьці іх растраты ў мэтах працягу тупіковай эканамічнай палітыкі і далейшай здачы эканамічнага сувэрэнітэту;
- пазбаўленьне прыбыткаў «гаманцоў» рэжыму і іншых асоб, якія атрымліваюць незаконнае ўзбагачэньне за кошт уціску канкурэнцыі на рынку, што прыводзіць да дадатковага зьбядненьня насельніцтва;
- удасканаленьне санкцыйных мэханізмаў з мэтай іх максымальнай эфэктыўнасьці і скарачэньня часу ад іх прыняцьця да надыходу эфэкту ад іх дзеяньня.
Таксама пастановай прадугледжваецца стварэньне сталай працоўнай групы па эканамічным ціску на рэжым Лукашэнкі (Камітэту санкцый), у якую ўвойдуць прадстаўнікі ад Кабінэта, дыяспар, актывістаў і іншых экспэртных арганізацый у гэтай праблематыцы.
ГЛЯДЗІЦЕ ТАКСАМА: «Ідзе пасыл пачаць дыялёг з рэжымам». Павал Латушка і Іван Краўцоў аб канфлікце ўнутры Каардынацыйнай рады