Міністэрства абароны 7 сакавіка паведаміла аб заканчэньні збораў з вайсковаабавязанымі. Усяго цягам месяца на зборы прызвалі 500 чалавек, яны праходзілі з 6 лютага да 7 сакавіка. У першую чаргу прызываліся спэцыялісты сувязі. Таксама на зборы прыцягнулі 27 адзінак цывільнай тэхнікі.
Паводле вайсковага камісара Менску Аляксея Калыванава, у сталіцы Беларусі прызывалі прадстаўнікоў розных сфэраў дзейнасьці: банкаўскіх работнікаў, рабочых заводаў, дырэктараў прадпрыемстваў.
Паводле яго, прызываліся як афіцэры запасу, так і прапаршчыкі, сяржанты і салдаты.
ГЛЯДЗІЦЕ ТАКСАМА: «Мы знойдзем забойцаў». Зяленскі пракамэнтаваў імаверны расстрэл байца УСУ за вокліч «Слава Ўкраіне!»На вайсковыя зборы выклікаюць і тых, хто не служыў
Тым часам некалькі чытачоў «Нашай нівы» напісалі ў рэдакцыю, што яны атрымалі позвы, хоць ніколі не служылі ў войску, не вучыліся на вайсковых катэдрах і ня маюць ніякіх вайсковых спэцыяльнасьцяў ці проста не хадзілі ў войска дзякуючы адтэрміноўкам.
Вайсковы камісар Клецкага раёну Юры Пігулеўскі ў камэнтары для раённай газэты «Да новых перамог» пацьвердзіў, што асноўная катэгорыя вайсковаабавязаных, якую цяпер забіраюць на зборы, — тыя, хто раней ніколі да войска ня меў ніякага дачыненьня.
ГЛЯДЗІЦЕ ТАКСАМА: Ва ўкраінскім войску назвалі імя палоннага ўкраінца, якога, як мяркуецца, расстралялі расейцы ў адказ на словы «Слава Ўкраіне»У Беларусі штогод праводзяцца плянавыя вайсковыя зборы, іх удзельнікаў у простамоўі называюць «партызанамі». Падчас збораў мужчыны ўзнаўляюць веды ў сваіх вайсковых спэцыяльнасьцях.
Часьцей за ўсё на зборы трапляюць тыя, хто адслужыў тэрміновую службу ці скончыў вайсковыя катэдры.
Раней начальнік упраўленьня галоўнага арганізацыйна-мабілізацыйнага ўпраўленьня Генштабу Аляксандр Шальпук казаў, што ў 2023 годзе на вайсковыя зборы плянуецца прызваць 9 тысяч чалавек.
ГЛЯДЗІЦЕ ТАКСАМА: Лукашэнка прызнаў дывэрсію супраць расейскага самалёта ў Мачулішчах праз тыдзень пасьля здарэньня