Паліцыя Малдовы 28 лютага аб’явіла аб закрыцьці цэнтру Кішынёва для руху транспарту і забарону правядзеньня масавых акцый да вечара 2 сакавіка.
Праход і праезд у цэнтар Кішынёва і на прылеглыя вуліцы быў абмежаваны а 8-й раніцы 28 лютага і будзе адноўлены 2 сакавіка пасьля 18 гадзін паводле мясцовага часу. Афіцыйная прычына забароны — захады бясьпекі ў сувязі зь візытам афіцыйнай дэлегацыі.
28 лютага ў малдоўскай сталіцы быў заплянаваны масавы мітынг апазыцыі, арганізаваны прарасейскай партыяй «Шор», якая апошнім часам вядзе інтэнсіўную пратэставую дзейнасьць супраць арыентаванага на збліжэньне з Захадам ураду Малдовы, піша ВВС.
ГЛЯДЗІЦЕ ТАКСАМА: Улады Малдовы патрабуюць ад Расеі вывесьці свае войскі з Прыднястроўя- Пратэсты, арганізаваныя партыяй «Шор», праходзяць у Кішынёве па нядзелях зь сярэдзіны верасьня.
- 13 лютага прэзыдэнтка Малдовы Мая Санду заявіла, што Расея плянуе пры дапамозе іншаземных грамадзян з вайсковай падрыхтоўкай ажыцьцявіць у Малдове дзяржаўны пераварот, каб цалкам падпарадкаваць краіну Расеі.
- Незадоўга да гэтага прэзыдэнт Украіны Ўладзімір Зяленскі заявіў, што Кіеў перахапіў пляны расейскіх спэцслужбаў па дэстабілізацыі Малдовы. Выведка Малдовы пацьвердзіла заявы Зяленскага.