Браняваныя іконы павінны забясьпечваць абарону ад куль, вытрымліваць мароз, сьпякоту і дождж.
Гаспадарчае ўпраўленьне МУС па Маскве разьмясьціла запыт на закупку паходных бронекамізэлек з абразамі і малітвамі для патрэб маскоўскай паліцыі.
Згодна з заяўкай, МУС закупіць па 37 бронекамізэлек з выявамі Георгія Пераможца, архангела Міхаіла і Казанскай іконы Божай Маці — з малітвай на кожнай бронекамізэльцы. Браняваныя іконы прызначаны бараніць ад куль, вытрымліваць мароз, сьпякоту і дождж, гаворыцца ў запыце.
Абразы і тэкст малітвы мяркуецца надрукаваць на зялёнай падкладцы з карычневай рамкай і спакаваць у індывідуальную кардонную скрынку. Памер кожнай іконы — 16 на 12 сантымэтраў з таўшчынёй сем мілімэтраў.
Закупка браняваных абразоў з малітвамі для патрэб маскоўскіх паліцыянтаў мае завяршыцца 1 сакавіка 2023 году.
ГЛЯДЗІЦЕ ТАКСАМА: Ва Ўкраіне ўшаноўваюць герояў Нябеснай сотні, сярод якіх і двое беларусаў. На Данбасе ідуць жорсткія баі ГЛЯДЗІЦЕ ТАКСАМА: Пэтыцыя за прысваеньне беларусу Лобаву званьня Героя Ўкраіны ўжо сабрала больш за 2 тысячы подпісаў