Ва Ўкраіну з расейскага палону, па словах Ярмака, вярнуліся 100 вайскоўцаў і адзін цывільны — намесьнік мэра Энэргадара Іван Самайдзюк, якога расейскія вайскоўцы выкралі ў сакавіку мінулага года. Сярод вызваленых — 94 вайскоўцаў, якія абаранялі Марыюпаль, у тым ліку 63 вайскоўцы, якія трымалі абарону «Азоўсталі».
«Сярод вызваленых байцоў нацгвардзейцы, пагранічнікі і ваеннаслужачыя ЎСУ. Многія з герояў атрымалі раненьні рознай цяжкасьці», — удакладніў ён.
Вызваленых расейскіх палонных, паводле інфармацыі Мінабароны РФ, самалётамі ваенна-транспартнай авіяцыі ВКС Расеі даставяць у Маскву для праходжаньня лячэньня і рэабілітацыі ў мэдыцынскіх установах ведамства.
Папярэдні абмен палоннымі паміж Украінай і Расеяй адбыўся ў пачатку лютага. Тады дадому вярнуліся 63 расейцы і 116 украінцаў.
ГЛЯДЗІЦЕ ТАКСАМА: Расея і Ўкраіна правялі чарговы абмен палоннымі. Дадому вярнуліся 116 украінцаў і 63 расейцы