Эканамічны партал businessinsider.com.pl паразмаўляў з экспэртамі і польскімі прадпрымальнікамі пра тое, чаму не спыняецца гандаль з Рэспублікай Беларусь.
Польскія кампаніі, якія ўсё яшчэ працуюць у Беларусі, сьцьвярджаюць, што выйсьці з краіны немагчыма. Усё праз закон, які ўвёў Лукашэнка. Беларуская эканоміка залежыць ад экспарту паслуг і тавараў — гэта больш за 70% эканомікі краіны.
У санкцыйны сьпіс уваходзяць беларускі цэмэнт, калійныя ўгнаеньні і сталь, а таксама ўсе тавары і тэхналёгіі, якія можна выкарыстоўваць у абароннай прамысловасьці. А Менск у адказ увёў эмбарга, у тым ліку на польскае мяса, некаторыя віды садавіны.
ГЛЯДЗІЦЕ ТАКСАМА: «Давядзецца скарачаць штат і заробкі». Што адбываецца зь «Беларуськаліем» праз год пасьля ўвядзеньня забароны на літоўскі транзытЗа 11 месяцаў мінулага году ў Польшчу было імпартавана прадукцыі на 993 млн эўра. Гэта прыкладна на 500 млн эўра менш, чым год таму, але ўсё роўна сума значная. Так, паводле зьвестак Галоўнага статыстычнага ўпраўленьня, у Польшчу пастаўляўся лес (і спадарожныя матэрыялы) на суму амаль 200 мільёнаў эўра. Далейшыя пазыцыі — тлушчы жывёльнага і расьліннага паходжаньня, а таксама прадукцыя хімічнай прамысловасьці.
Са студзеня па лістапад 2022 году ў Беларусь з Польшчы трапіла тавараў на 1,57 млрд эўра. Гэта ўсяго на 185 мільёнаў эўра менш, чым годам раней, перад пачаткам вайны ва Ўкраіне. Пасьля закрыцьця пункту ў Баброўніках гандаль можа сур’ёзна ўпасьці.
ГЛЯДЗІЦЕ ТАКСАМА: Экспарт на 90,5 мільёна даляраў, будавалі разам цягнікі. Што аб’ядноўвае Беларусь і Вугоршчыну«Кампаніі з расейскім і беларускім капіталам могуць без абмежаваньняў рэгістраваць фірмы ў Польшчы, часам праз свае даччыныя кампаніі зь іншых краін Эўразьвязу. Такія кампаніі не трапляюць пад санкцыі, яны бяруць на сябе ролю падсанкцыйных кампаній у ланцужку паставак і на паперы павялічваюць экспарт», — адзначыў польскі юрыст Мацей Анішчук.
ГЛЯДЗІЦЕ ТАКСАМА: «На літоўскім пераходзе будзе каляпс». Беларусы расказалі, што зьменіцца, калі закрыюць БаброўнікіЗакрыцьцё пераходаў на мяжы Польшчы і Беларусі. Што варта ведаць
- У ліпені 2021 году Аляксандар Лукашэнка заявіў, што з прычыны санкцыяў Беларусь больш ня будзе стрымліваць нелегальную міграцыю ў краіны Эўразьвязу. Польшча стала адной з краін, куды кінуліся патокі мігрантаў. Рэагуючы на крызіс, Польшча, як і Літва, пачала будаваць сьцяну на мяжы зь Беларусьсю, а 9 лістапада 2021 году закрыла пераход Кузьніца Беластоцкая — Брузгі.
- У Варшаве абвінавацілі рэжым Лукашэнкі ў арганізацыі нелегальнай міграцыі ў краіны Эўразьвязу з тым, каб шантажаваць краіны ЭЗ і патрабаваць зьняцьця санкцый. Прэм’ер-міністар Польшчы Матэвуш Маравецкі выказаў упэўненасьць, што сцэнар «гібрыднай агрэсіі» супраць Эўразьвязу быў распрацаваны Менскам не самастойна, а ў шчыльнай супрацы з Масквой.
- 9 лютага 2023 году міністар унутраных спраў Польшчы Марыюш Каміньскі заявіў аб рашэньні закрыць памежны пераход Баброўнікі — Бераставіца, пачынаючы з 10 лютага. Гэта стала адказам Польшчы на палітычны прысуд журналісту Анджэю Пачобуту, актывісту польскай нацыянальнай меншасьці ў Беларусі. Яму прысудзілі 8 гадоў калёніі.
- Усяго на беларуска-польскай мяжы 6 пунктаў пропуску. З 10 лютага 2023 году зь іх толькі адзін адкрыты для легкавікоў і адзін для грузавікоў, у Берасьці.
Памежныя пераходы на мяжы Беларусі і Польшчы. Інфаграфіка
- Берасьце (Тэрэспаль з польскага боку) — дзейнічае толькі для легкавікоў;
- Казловічы (Кукурыкі) — праезд дазволены толькі грузавым аўтамабілям;
- Брузгі (Кузьніца Беластоцкая)— закрыты ў 2021 годзе;
- Бераставіца (Баброўнікі), — закрыты з 10 лютага 2023;
- Пясчатка (Полаўцы) — не функцыянуе зь ініцыятывы польскага боку;
- Дамачава (Славатычы) — не функцыянуе зь ініцыятывы польскага боку.
- Каля Горадні працягвае працу памежны пункт зь Літвой «Прывалка — Райгардас». Ён знаходзіцца блізка да мяжы з Польшчай.
- На прэс-канфэрэнцыі ў Брусэлі 10 лютага прэм’ер-міністар Польшчы адзначыў, што ў Варшаве разглядаюць варыянт закрыцьця астатніх двух пераходаў на мяжы зь Беларусьсю. Ён заявіў, што да Беларусі «інструмэнтальна ставяцца» расейцы і Крэмль, і гэта складае вялікую пагрозу Польшчы і Ўкраіне.
- Перад закрыцьцём памежнага пераходу ў Баброўніках там затрымалі сама меней 12 мытнікаў. Гаворка, магчыма, ідзе пра хабарніцтва. Пра гэта паведаміла Gazeta Wyborcza. Інфармацыю аб затрыманьні мытнікаў выданьне атрымала ў ноч на 11 лютага, ужо пасьля закрыцьця памежнага пераходу.
- 13 лютага Памежны камітэт Беларусі паведаміў, што колькасьць аўтамабіляў за першыя выходныя пасьля закрыцьця Баброўнікаў на іншых пераходах павялічылася на 16%.