За тэставы пэрыяд працы сэрвісу oliviahelp.org (ад сьнежня 2022-га) на лінію зьвярнуліся 40 жанчын.
Беларуска, якая сутыкнулася з хатнім гвалтам і пражывае ў Беларусі, Грузіі, Літве, Украіне ці Польшчы, можа зьвярнуцца на онлайн-лінію падтрымкі oliviahelp.org.
Як пішуць арганізатары праекту, падчас тэставага пэрыяду на лінію ўжо зьвярнуліся 40 жанчын, 58% зь іх патрабавалі псыхалягічнай дапамогі, 38% — прававой, 65% — сацыяльнай і 83% — інфармацыйнай.
«Важна адзначыць, што хатні гвалт — комплексная праблема, таму ў рамках аднаго звароту можа быць некалькі запытаў», — адзначаюць стваральнікі сайту.
Больш падрабязная інфармацыя аб працы сэрвісу па спасылцы.
ГЛЯДЗІЦЕ ТАКСАМА: Для беларусак — ахвяраў хатняга гвалту зьявілася бясплатная онлайн-лінія