«З маёй санкцыі канфіскаваныя сродкі перавядуць у Дзярждэпартамэнт для падтрымкі народа Ўкраіны», — заявіў Гарланд на сустрэчы з генпракурорам Украіны Андрэем Косьціным. Ён зазначыў, што такое адбываецца ўпершыню.
Суд дазволіў пракуратуры канфіскаваць сродкі Малафеева два дні таму.
Санкцыі ў дачыненьні да Малафеева ўвялі ў красавіку 2022 году, а ў чэрвені сродкі Малафеева на банкаўскім рахунку ў ЗША арыштавалі. Сам алігарх сьцьвярджаў, што гаворка ідзе пра грошы, замарожаныя яшчэ ў 2014 годзе — ЗША ўжо тады ўключылі яго ў санкцыйныя сьпісы.
ГЛЯДЗІЦЕ ТАКСАМА: Канада пачынае канфіскацыю актываў алігархаў Расеі з АбрамовічаУ канцы 2022 году Сэнат ЗША падтрымаў папраўку да фэдэральнага бюджэту, якая дазваляе выкарыстоўваць канфіскаваныя расейскія актывы для дапамогі Ўкраіне. Эўракамісія таксама знайшла легальную магчымасьць часова выкарыстоўваць частку замарожаных актываў расейскага Цэнтрабанка для інвэстыцый на аднаўленьне Ўкраіны.
Паводле ацэнкі Сусьветнага банка, на аднаўленьне Ўкраіны, якая пацярпела падчас расейскага ўварваньня, патрабуецца ня менш як 350 мільярдаў даляраў.
ГЛЯДЗІЦЕ ТАКСАМА: ЗША стварылі адмысловую структуру для пошуку актываў расейскіх алігархаў ГЛЯДЗІЦЕ ТАКСАМА: У ЭЗ замарозілі актывы расейскіх алігархаў ужо амаль на 13 млрд эўра