Паводле Зубко, выкладаньне на расейскай мове не вядзецца ўжо даўно. Цяпер гаворка ідзе пра забарону расейскай мовы ў асабістых зносінах студэнтаў, выкладчыкаў і адміністрацыі акадэміі.
Зубко таксама адзначыў, што новых правілаў запатрабавала рэальнасьць, у якой даводзіцца працаваць украінскім ВНУ і іншым навучальным установам.
ГЛЯДЗІЦЕ ТАКСАМА: «Не было ніякай „мяккай беларусізацыі“». Мовазнаўца Вячорка пра вынішчэньне беларускай мовы і напад на лацінкуКіраўніцтва акадэміі паведаміла, што новыя правілы прыняты 27 студзеня на агульнай канфэрэнцыі, у якой бралі ўдзел у тым ліку студэнты.
«Украінская праўда» нагадвае, што раней у кіеўскіх школах адмовіліся ад выкладаньня расейскай мовы нават факультатыўна. Вярхоўная рада Ўкраіны прыняла законапраект, паводле якога ў краіне могуць забараніць выкарыстаньне расейскіх крыніц у адукацыі і навуцы.
ГЛЯДЗІЦЕ ТАКСАМА: Беларускія студэнты могуць атрымаць стыпэндыю для вучобы ў Кіева-Магілянскай акадэмііКіева-Магілянская акадэмія — найстарэйшая ВНУ Украіны. Навучальная ўстанова заснавана ў 1615 годзе. Яна лічыцца адной са старэйшых вышэйшых школ ва Ўсходняй Эўропе.