Дэпутаты непрызнаванай Палаты прадстаўнікоў ухвалілі дамову з РФ, якая стварае супольны падатковы камітэт

«Дамовай прадугледжваецца рэгуляваньне падатковых вызваленьняў, ільгот па падатку на даданую вартасьць (ПДВ), вызначэньне пераліку абавязаньняў, якія абкладаюцца ПДВ па нулявой стаўцы, устанаўленьне ставак акцызаў на тавары і пераліку тавараў, якія падлягаюць абкладаньню акцызамі, вызваленьняў і льгот па выплаце акцызаў», — гаворыцца ў афіцыйным паведамленьні, якое цытуе BPN.

Згодна з дакумэнтам, штогод бакі да 1 студзеня наступнага году «прыводзяць сваё падатковае заканадаўства ў адпаведнасьць з палажэньнямі дамовы». «Наднацыянальны падатковы камітэт, які ствараецца, можа прымаць рашэньне, на падставе якога бакі на працягу 18 месяцаў могуць унесьці зьмены ў нацыянальныя заканадаўствы і дамову», — адзначаецца ў паведамленьні Палаты прадстаўнікоў.

Згаданую дамову падпісалі 3 кастрычніка ў Маскве міністар фінансаў Юры Селіверстаў і яго расійскі калега Антон Сілуанаў. Шэраг незалежных экспэртаў расцаніў гэта як частковую страту фінансава-эканамічнага сувэрэнітэту Беларусі.