У раскладзе Менскага гарадзкога суду зьявілася дата пачатку завочнага працэсу над вядомай плыўчыхай Аляксандрай Герасіменяй.
Працэс пачнецца 19 сьнежня. Герасіменю абвінавачваюць у закліках да санкцый (ч. 3 арт. 361 КК). Яму пагражае да 12 гадоў пазбаўленьня волі.
Спачатку суд разьмясьціў памылковы расклад, дзе было пазначана імя бацькі плыўчыхі Віктара Герасімені, аднак затым, каля 12:30, памылку выправілі.
Разам з Аляксандрай Герасіменяй паводле таго ж артыкулу праходзіць і Аляксандар Апейкін, адзін з заснавальнікаў Беларускага фонду спартовай салідарнасьці, былы гандбольны мэнэджар. Увесну гэтага году БФСС улады прызналі экстрэмісцкай арганізацыяй.
ГЛЯДЗІЦЕ ТАКСАМА: СК заявіў, што алімпійскую прызэрку Аляксандру Герасіменю будуць судзіць завочнаРаней Сьледчы камітэт паведамляў, што распачата «спэцыяльнае вядзеньне» ў дачыненьні заснавальнікаў БФСС Аляксандры Герасімені і Аляксандра Апейкіна. Іх абвінавачвалі ў закліках да санкцый (ч. 3 арт. 361 Крымінальнага кодэксу).
Аляксандра — двухразовая срэбраная прызэрка Алімпіяды-2012 і бронзавая мэдалістка Алімпіяды-2016. Неўзабаве пасьля выбараў яна пакінула краіну і стала адкрыта выступаць супраць рэжыму Лукашэнкі. Сёлета праз рознагалосьсі Герасіменя пакінула БФСС. Улады тым часам забралі ў Герасімені ўчастак з аднапавярховым домам у Драздах.
ГЛЯДЗІЦЕ ТАКСАМА: Маўчаньне або выгнаньне. Лёс спартоўцаў пры дыктатуры ГЛЯДЗІЦЕ ТАКСАМА: Аляксандра Герасіменя назвала прычыну выхаду зь Беларускага фонду спартовай салідарнасьці