Як і ў папярэднія разы, 29 лістапада Насту Лойку асудзілі паводле арт. 19.1 КаАП («дробнае хуліганства»), паведамляе @humanconstanta.
Насту Лойку затрымалі 28 кастрычніка. Пазьней ёй двойчы прысудзілі па 15 сутак за «дробнае хуліганства» (арт. 19.1 КаАП). На адным з судоў Наста расказала пра катаваньні — супрацоўнік ГУБАЗіК ударыў яе электрашокерам, а адзін з супрацоўнікаў ЦІП вывеў ва ўнутраны двор і пакінуў бяз вопраткі на 8 гадзін, у выніку зьняволеная моцна захварэла.
За ўвесь гэты час на Акрэсьціна Лойцы ўдалося перадаць лекі, аднак ёсьць інфармацыя, што яны да Насты так і не дайшлі.
Нягледзячы на цяжкі фізычны стан, Наста знаходзілася ў зьняволеньні бязь цёплых рэчаў і сродкаў асабістай гігіены, паведамляла @humanconstanta.
ГЛЯДЗІЦЕ ТАКСАМА: Праваабаронца Наста Лойка ня выйшла на волю пасьля чарговых 15 сутак. Гэта пятае перазатрыманьне ГЛЯДЗІЦЕ ТАКСАМА: Праваабаронца, якая «хуліганіць» у судах і міліцэйскіх пастарунках. Расказваем пра Насту ЛойкуНаста Лойка прыйшла ў валянтэрскую службу праваабарончага цэнтру «Вясна» яшчэ падлеткам. 8 гадоў адпрацавала ў грамадзкай прымальні «Вясны». У 2018 годзе стала сузаснавальніцаю праваабарончай арганізацыі Human Constanta.
У Human Constanta Наста займалася абаронай правоў замежных грамадзян і людзей без грамадзянства. Працавала над праблемамі рэпрэсіўнага «антыэкстрэмісцкага» заканадаўства, нефармальнай адукацыі ў сфэры правоў чалавека.
І «Вясну», і Human Constanta ўлады Беларусі зьліквідавалі.
Саму Насту за апошнія месяцы некалькі разоў затрымлівалі і арыштоўвалі.
ГЛЯДЗІЦЕ ТАКСАМА: «Псыхалягічны ціск»: праваабаронцы Насьце Лойцы ў кавярні падкінулі ананімную запіску