Аб гэтым паведамляе газэта New York Times са спасылкай на крыніцы ў амэрыканскім урадзе.
Як піша выданьне, згодна зь першапачатковым плянам, распрацаваным генштабам УСУ па ўказаньні прэзыдэнта Ўладзіміра Зяленскага, які заклікаў украінскіх генэралаў прадэманстраваць посьпехі на полі бою для таго, каб даказаць здольнасьць украінскай арміі вызваліць захопленую расейскай арміяй тэрыторыю, УСУ павінны былі правесьці маштабны контранаступ на поўдні краіны. Мэта — вызваліць Херсон і адрэзаць Марыюпаль ад групоўкі расейскіх сіл на ўсходзе.
ГЛЯДЗІЦЕ ТАКСАМА: У Кіеве паведамілі пра вызваленьне яшчэ пяці населеных пунктаў на ХерсоншчынеАднак ў выніку вайсковых гульняў, праведзеных украінскімі і амэрыканскімі вайскоўцамі летам, стала зразумела, што такі наступ, хутчэй за ўсё, асуджаны на правал. Па словах аднаго з кіраўнікоў Пэнтагона Коліна Каля, гэтыя гульні дазволілі выявіць больш эфэктыўныя варыянты контранаступу, прадстаўленыя ўкраінскаму кіраўніцтву і вышэйшаму камандаваньню. Як падкрэсьлівае Каль, менавіта ўкраінскае кіраўніцтва празь некаторы час распрацавала канчатковы плян апэрацыі. Наступ на двух кірунках — паўночным і паўднёвым — быў прапанаваны ўкраінскімі вайскоўцамі.
ГЛЯДЗІЦЕ ТАКСАМА: Вызваленьне гарадоў і вёсак на Харкаўшчыне і Херсоншчыне: эмоцыі людзей і захопленая тэхніка. ФОТA і ВІДЭAНа працягу жніўня Ўкраіна атрымлівала ад ЗША дэталёвыя выведныя дадзеныя, якія дазволілі выявіць самыя слабыя ўчасткі расейскай абароны і пацьвердзіць, што расейскаму войску не атрымаецца своечасова перакінуць войскі для іх абароны ў выпадку ўкраінскага наступу. Для посьпеху наступу Злучаныя Штаты павялічылі пастаўкі Кіеву ўзбраеньняў. Як адзначае New York Times, навіны, якія зьяўляліся амаль штотыдзень, аб выдзяленьні Ўкраіне амэрыканскай вайсковай дапамогі дадалі ўкраінскаму камандаваньню ўпэўненасьці ў зьдзяйсьняльнасьці пляну адначасовага наступу на двух франтах.
Хоць ва ўкраінскай арміі ёсьць магчымасьць вярнуць пад свой кантроль больш тэрыторыі на ўсходзе Ўкраіны, па словах украінскіх і амэрыканскіх афіцыйных асоб, поўдзень зараз зьяўляецца найважнейшым тэатрам ваенных дзеяньняў.
ГЛЯДЗІЦЕ ТАКСАМА: Адміністрацыя Ізюму: Прынамсі тысяча жыхароў гораду забітыяВайна Расеі супраць Украіны
- А 5-й гадзіне раніцы 24 лютага 2022 году кіраўнік Расеі Ўладзімір Пуцін заявіў пра пачатак ваеннай апэрацыі супраць Украіны на Данбасе па просьбе груповак «ДНР» і «ЛНР». 21 лютага падчас тэлезвароту да расейцаў Пуцін назваў так званыя «ДНР» і «ЛНР» незалежнымі дзяржавамі ў межах абласьцей. 22 лютага Савет Фэдэрацыі ратыфікаваў гэтае рашэньне.
- Расейскія войскі атакавалі ў тым ліку з тэрыторыі Беларусі, выкарыстоўваючы лётнішчы, базы і дарогі. Прадстаўнікі рэжыму Лукашэнкі апраўдваюць вайну, яго праціўнікі лічаць тэрыторыю Беларусі акупаванай, многія заклікаюць да супраціву расейскім захопнікам.
- Насуперак заявам Пуціна пра атакі выключна на вайсковыя аб'екты, расейцы бамбяць школы, дзіцячыя садкі і жылыя кварталы ўкраінскіх гарадоў.
- 2 красавіка 2022 году, пасьля вызваленьня гораду Буча пад Кіевам, фотакарэспандэнты апублікавалі дзясяткі фотаздымкаў, на якіх відаць сотні нябожчыкаў, ахвяр масавых забойстваў, учыненых расейскімі войскамі. Многія пахаваныя ў стыхійных брацкіх магілах. Вялікія разбурэньні прынесла расейская акупацыя і Барадзянцы.
- З 24 лютага Расея захапіла толькі адзін абласны цэнтар — Херсон. Расейскія войскі адступілі зь яго і з правабярэжнай часткі Херсонскай вобласьці ў лістападзе 2022 году. Горад быў акупаваны расейскімі войскамі ў першыя дні вайны фактычна без баёў. Увосень 2022 году ўкраінскія войскі правялі маштабны контранаступ, у выніку якога расейскія сілы пакінулі большасьць сваіх пазыцый у Харкаўскай вобласьці.
- Нягледзячы на першапачатковыя заявы Пуціна пра тое, што акупацыя ўкраінскіх тэрыторыяў не ўваходзіць у пляны ўварваньня, 30 верасьня 2022 году была абвешчана анэксія чатырох вобласьцяў Украіны (Данецкай, Запароскай, Луганскай і Херсонскай), у тым ліку і тэрыторыяў, якія Расея не кантралявала.
- 21 верасьня 2022 году Пуцін заявіў пра мабілізацыю ў Расеі. Пасьля гэтай заявы тысячы расейцаў накіраваліся на памежныя пункты і пачалі выяжджаць у Грузію, Казахстан, Армэнію, Манголію, Фінляндыю і іншыя краіны. У самой Расеі праціўнікі вайны падпалілі некалькі вайсковых камісарыятаў.
- У 2023 годзе Лукашэнка і Пуцін заявілі пра разьмяшчэньне ў Беларусі расейскай ядзернай зброі. 13 чэрвеня Лукашэнка сказаў, што частка ядзернай зброі ўжо дастаўлена з РФ у Беларусь. 16 чэрвеня Пуцін таксама заявіў, што першыя ядзерныя зарады ўжо дастаўленыя на тэрыторыю Беларусі, а астатнюю частку перамесьцяць «да канца лета або да канца году».
- 3 верасьня ўкраінскі брыгадны генэрал Аляксандар Тарнаўскі заявіў, што Ўзброеныя сілы Ўкраіны прарвалі першую лінію абароны на запароскім кірунку, на якую расейцы выдаткавалі больш за ўсё рэсурсаў.
- У канцы 2023 і на пачатку 2024 расейцы працягвалі масавыя абстрэлы ўкраінскіх гарадоў: Дніпры, Кіеве, Харкаве, Адэсе і іншых месцах дзясяткі людзей загінулі і атрымалі раненьні. Украінскі бок у адказ абстрэльваў расейскі Белгарад, некалькі чалавек загінулі. Узброеныя сілы дзьвюх краін рэгулярна атакуюць падкантрольныя адна адной тэрыторыі бесьпілётнікамі.
- Агулам з пачатку 2024 году ўкраінскія дроны пашкодзілі 18 расейскіх НПЗ, што прывяло да скарачэньня вытворчасьці амаль на 14%. У сакавіку былі атакаваныя такія абʼекты, як Разанскі НПЗ «Раснафты» і завод «Лукойла» ў Кстове ў Ніжагародскай вобласьці. Абодва ўваходзяць у топ-10 найбуйнейшых НПЗ Расеі і забясьпечваюць бэнзінам Маскву.
- 6 жніўня 2024 году Ўкраіна пачала апэрацыю ў Курскай вобласьці. 19 жніўня прэзыдэнт Украіны Ўладзімір Зяленскі заявіў, што пад кантролем Украіны ў ходзе апэрацыі Ўзброеных сілаў Украіны знаходзяцца 92 паселішчы Курскай вобласьці Расеі. Галоўнакамандуючы Ўзброенымі сіламі Ўкраіны Аляксандар Сырскі ўдакладніў, што такіх населеных пунктаў 82. Улады Ўкраіны заявілі пра стварэньне ваенных камэндатураў і арганізацыі перадачы «гуманітарнай дапамогі ў населеныя пункты, якія знаходзяцца пад кантролем Украіны». Экспэрты Інстытуту вывучэньня вайны, прааналізаваўшы заявы і відэаматэрыялы з геалякацыяй, выказалі меркаваньне, што Ўкраіна кантралюе ў Курскай вобласьці ня ўсю тэрыторыю ў заяўленых межах прасоўваньня.
- 16-18 жніўня ўкраінскія сілы падарвалі тры масты, якія мелі стратэгічнае значэньне для матэрыяльна-тэхнічнага забесьпячэньня групоўкі расейскіх войскаў ва Ўкраіне і вайсковай авіяцыі, якая базуецца ў Курскай вобласьці.
- Незалежная праверка інфармацыі пра ваенныя дзеяньні, якую даюць афіцыйныя асобы розных бакоў, не заўсёды магчымая.