Ахвяр нападнікаў знайшлі ў 13 розных месцах, у тым ліку ў грамадзе канадзкіх індзейцаў Джэймс-Сьміт-Кры-Нэйшн і вёсцы Ўэлдан.
Паліцыя аб’явіла ў вышук двух падазраваных — Дэміена Сандэрсана і Майлза Сандэрсана. Ці зьяўляюцца яны сваякамі, невядома. Паводле заявы паліцыянтаў, яны перасоўваюцца на аўтамабілі Nissan Rogue чорнага колеру. Апошні раз іх бачылі ў нядзелю днём у горадзе Рэджайна, які знаходзіцца прыкладна за 300 кілямэтраў на поўдзень ад месца нападаў.
Мясцовыя ўлады заклікалі жыхароў Саскачавана схавацца ў бясьпечных месцах і не пакідаць іх. У рэзэрвацыі Джэймс Сьміт абвясьцілі надзвычайнае становішча. Для аказаньня дапамогі пацярпелым адкрылі два цэнтры экстранай дапамогі.
Прэм’ер-міністар Канады Джасьцін Трудо назваў напады «жахлівымі і невыноснымі».
ГЛЯДЗІЦЕ ТАКСАМА: Ад страляніны ў парку ў Лос-Анджэлесе загінулі два чалавекі, пяцёра параненыя ГЛЯДЗІЦЕ ТАКСАМА: Страляніна ў гандлёвым цэнтры ў Даніі: тры чалавекі загінулі, трое параненыя