Гэтую інфармацыю парталу «Зеркало» пацьвердзілі і ў самім аэрапорце. Але дакладную прычыну экстранай пасадкі не назвалі.
Між тым служба падтрымкі авіякампаніі Turkish Airline паведаміла, што, магчыма, адбыліся тэхнічныя няспраўнасьці. Аднак дакладную прычыну так і не назвалі.
— Адзін з пасажыраў зьвязаўся са сваім сваяком і распавёў, што на борце адбылося ўзгараньне, таму яны селі ў Менску. Таксама паведамілі, што падменнага борта ня будзе і пасажыры самі павінны купіць квіткі ў пункт прызначэньня, —піша тэлеграм-канал «ОтВинта».
Kuzenim ve Yengem de o uçaktaydı. Kabin içi basınç düşmüş. Minsk’e iniş yaptılar. Gece 2-6 arası orada yemek ve su vermeden bekletmişler ve sonrasında da 1000$lık bileti siz alın sonra biz size öderiz demişler. @TurkishTechnic @TurkishAirlines https://t.co/2zBerGsQ9S
— Ozan Bilal (@ozozanbilal) August 20, 2022
Некалькі пасажыраў рэйса напісалі ў твітары, што ў салёне рэзка ўпаў ціск. Пасьля чаго борт прызямліўся ў Менску.
ГЛЯДЗІЦЕ ТАКСАМА: Аварыйная пасадка самалёта ў аэрапорце "Менск-2"Па словах аўтара паста, з 2 да 6 раніцы пасажыры знаходзіліся ў аэрапорце без ежы і вады, ім таксама не прапанавалі гатэль. Пазьней пасажырам прапанавалі самім купіць білеты з Менска ў Маскву (па сьцьвярджэньні пасажыраў, яны каштавалі 1000 долараў). Кампэнсацыю, паводле слоў мужчыны, будуць выплачваць ужо пасьля.
У дадзены момант, як сьведчаць дадзеныя Flightradar, самалёт усё яшчэ знаходзіцца ў Менску.