Аляксандар Лукашэнка 15 жніўня падпісаў указ аб наданьні беларускага грамадзянства чарговай групе іншаземцаў.
Згодна з паведамленьнем прэс-службы МУС Беларусі, беларускія пашпарты атрымае 401 чалавек. «Сярод іх 341 ураджэнец Украіны, а таксама выхадцы з краін СНД, Сырыі, Ірану, Афганістану, Турэччыны і іншых дзяржаў», — паведамілі ў дэпартамэнце грамадзянства і міграцыі МУС.
Са жніўня мінулага году грамадзянамі Беларусі сталі 5657 чалавек: 3030 зь іх — паводле ўказаў Лукашэнкі, 2627 — рашэньнямі органаў унутраных спраў.
Паводле зьвестак Дзяржаўнага памежнага камітэту, з пачатку расейска-ўкраінскай вайны ў Беларусь прыбылі 45 837 грамадзян Украіны.
ГЛЯДЗІЦЕ ТАКСАМА: Пуцін падпісаў указ аб спрошчанай выдачы расейскага грамадзянства грамадзянам Украіны