29 ліпеня Васілевостраўскі раённы Санкт-Пецярбурга падоўжыў на тры месяцы арышт грамадзянкі Беларусі Яны Пінчук. Як піша канал Telegram Rusnews, на падаўжэньні ўтрыманьня дзяўчыны ў СІЗА настойвала пракуратура, бо гэта неабходна для «ўзгадненьня месца і час перадачы яго кампэтэнтным органам Рэспублікі Беларусь».
Рашэньне Камітэта па правах чалавека аб забароне на экстракцыю Яны Пінчук было накіравана ў Генпракуратуру, але ніякага адказу ведамства ня дала.
Раней расейскі суд падтрымаў рашэньне аб экстрадыцыі Пінчук у Беларусь, дзе яе абвінавачваюць ва ўдзеле ў стварэньні апазыцыйных тэлеграм-каналаў «Віцебск 97%», «Ворша 97%» і «Наваполацк і Полацк 97%», якія ў Беларусі прызналі «экстрэмісцкімі».
ГЛЯДЗІЦЕ ТАКСАМА: Камітэт па правах чалавека ААН прапанаваў Расеі ўстрымацца ад дэпартацыі ў Беларусь палітзьняволенай Яны Пінчук24-гадовая Яна Пінчук знаходзіцца ў СІЗА Пецярбургу зь лістапада 2021 году. Яе затрымалі ў пецярбурскай кватэры і празь дзень арыштавалі. У Беларусі ёй завочна выставілі абвінавачаньне паводле пяці артыкулаў Крымінальнага кодэксу РБ. На радзіме ёй пагражае пазбаўленьне волі за ўдзел у стварэньні апазыцыйных тэлеграм-каналаў «Віцебск 97%», «Ворша 97%» і «Наваполацк і Полацк 97%».
Расейская пракуратура пагадзілася яе выдаць паводле трох зь іх: аб распальваньні сацыяльнай варожасьці, закліках да дзеяньняў супраць нацыянальнай бясьпекі і стварэньні экстрэмісцкага фармаваньня.
Юрысты паспрабавалі абскардзіць рашэньне Генпракуратуры РФ аб выдачы Пінчук. Камітэт правоў чалавека ААН прапанаваў Расеі ўстрымацца ад дэпартацыі ў Беларусь Яны Пінчук і забясьпечыць абарону яе жыцьця і недатыкальнасьці да разгляду камітэтам яе скаргі.
ГЛЯДЗІЦЕ ТАКСАМА: Арыштаванай у Расеі беларусцы Яне Пінчук не аказваюць мэдычнай дапамогі ГЛЯДЗІЦЕ ТАКСАМА: «Вельмі рэдка сустрэнеш такога моцнага чалавека». Што адбываецца з палітзьняволенай Янай Пінчук ГЛЯДЗІЦЕ ТАКСАМА: У Расеі за камэнтары ў сацсетках затрымалі яшчэ аднаго беларуса