Парк, межы якога ахопліваюць паверхню ў 80 квадратных кілямэтраў, разьмешчаны на абодвух берагах ракі Лаба недалёка ад мяжы зь Нямеччынай. Гэта адзін з чатырох унікальных і самых вядомых чэскіх запаведнікаў, у якім і высокія пяшчанікавыя горы, і густыя лясы.
Гасіць агонь спрабуюць з дапамогай верталётаў, зь якіх скідваюць тысячы літраў вады. У змаганьні з пажарам удзельнічае чэская вайсковая авіяцыя, якой дапамагаюць верталёты са Славаччыны і Польшчы, а таксама самалёты Canadair з Італіі.
Дзякуючы прынятым захадам пажар удалося лякалізаваць, пацярпелых сярод насельніцтва няма, агонь забраў толькі некалькі дамоў. Мясцовыя ўлады дапамагаюць эвакуаваць насельніцтва.
Прычына пажару высьвятляецца, але пакуль ніякіх афіцыйных паведамленьняў пра яе не было.
ГЛЯДЗІЦЕ ТАКСАМА: Найбуйнейшыя тэхнічныя ўнівэрсытэты Чэхіі прымуць беларускіх абітурыентаў, але пасьля вэрыфікацыі ГЛЯДЗІЦЕ ТАКСАМА: Чым будзе займацца Чэхія падчас свайго старшынства ў ЭЗ? Украіна стане галоўнай тэмай, але ня толькі