Дата дня
29 ліпеня 2004 году памёр Язэп Юхо, юрыст, гісторык, заснавальнік беларускай навуковай школы гісторыі дзяржавы і права, удзельнік нацыянальна-дэмакратычнага руху 1980-х — пачатку ХХІ стагодзьдзя.
Таксама ў гэты дзень
1921 — Адольф Гітлер робіцца лідэрам Нацыянал-сацыялістычнай рабочай партыі Нямеччыны.
1939 — Вярхоўны Савет БССР прыняў рашэньне перайменаваць горад Менск у Мінск.
1957 — уступіў у сілу статут Міжнароднага агенцтва ядзернай энэргіі (МАГАТЭ).
1968 — папа Рымскі Павал VI у энцыкліцы «Humanae Vitae» («Чалавечае жыцьцё») забараніў каталікам усе штучныя мэтады кантролю за нараджальнасьцю.
У гэты дзень нарадзіліся
1805 — Алексіс дэ Таквіль, францускі пісьменьнік, гісторык і сацыёляг.
1883 — Бэніта Мусаліні, італьянскі палітычны дзяяч, стваральнік фашызму, кіраўнік Італіі ў 1922–1943 гадох.
1888 — Уладзімір Зварыкін, расейскі і амэрыканскі інжынэр, вынаходнік тэлевізіі.
1908 ― Юрка Лявонны, беларускі паэт.
Юрка Лявонны. 1920-я гг. (фота перададзенае Віктарам Жыбулем)
1929 ― Жан Бадрыяр, францускі філёзаф-постмадэрніст, сацыёляг, літаратар.
У памяці
1856 ― Робэрт Шуман, нямецкі кампазытар і піяніст.
1890 — Вінцэнт Ван Гог, галяндзкі мастак (скончыў жыцьцё самагубствам.
Вінсэнт ван Гог, «Прагулка вязьняў» (1890)
1938 ― Вільгельм Кнорын, савецкі партыйны і дзяржаўны дзяяч, публіцыст, адмаўляў існаваньне беларускай нацыі.