Аляксандр Лукашэнка падпісаў указ, якім зьмяняюцца правілы продажу патрыманых аўтамабіляў, паведамляе ягоная прэсавая служба.
Што мяняе гэты ўказ?
- Выключаная магчымасьць рабіць угоды куплі-продажу транспартных сродкаў з дапамогай афармленьня рахунку-даведкі і правядзеньня разьлікаў па такіх дамовах у наяўнай форме.
- Увялі абавязак заключаць дамовы аб адчужэньні транспартных сродкаў толькі ў пісьмовай форме.
- Увялі патрабаваньне адлюстроўваць у дамове зьвесткі аб адсутнасьці на момант яе заключэньня абмежаваньняў (абцяжараньняў) і забаронаў на ўгоды з транспартным сродкам.
- Дамовы куплі-продажу транспартных сродкаў, якія заключаюцца паміж фізычнымі асобамі, могуць цяпер праходзіць дзяржаўную рэгістрацыю ня толькі ў адпаведных рэгістрацыйных органах (ДАІ і Мінсельгасхарч), але і шляхам натарыяльнага пасьведчаньня.
- Гэтыя палажэньні ўступяць у сілу праз 6 месяцаў пасьля афіцыйнага апублікаваньня ўказу.