«Сёньня адбыўся яшчэ адзін значны крок у нашым збліжэньні з Эўразьвязам», —адзначыў Зяленскі і патлумачыў, што электрычнасьць паступае ў Румынію.– «І гэта толькі першы этап, мы рыхтуемся пашырыць пастаўкі», — дадаў ён.
Украінскі лідэр таксама адзначыў, што «за кошт украінскай электрычнасьці можа быць замешчана істотная частка расейскага газу, які спажываецца эўрапейцамі.
«Гэта значыць, гэта пытаньне ня проста экспартнай выручкі для нас, гэта пытаньне бясьпекі для ўсёй Эўропы», — падкрэсьліў Зяленскі.
Уладзімер Зяленскі таксама нагадаў, што Кіеў далучыўся да эўрапейскай энэргасыстэмы пасьля пачатку вайны.
ГЛЯДЗІЦЕ ТАКСАМА: Украіна спыніла закупку беларускай электраэнэргіі. Чаму і на які пэрыяд?З 16 сакавіка Ўкраіна і Малдова зьяўляюцца часткай энэргетычнай сыстэмы кантынэнтальнай Эўропы. Аб выпрабавальнай сынхранізацыі паведаміла тры месяцы таму Эўрапейская сетка сыстэмных апэратараў перадачы электраэнэргіі (ENTSO-E).
ГЛЯДЗІЦЕ ТАКСАМА: Беларусь больш ня зможа прадаваць сваю электраэнэргію зь БелАЭС ва Ўкраіну, — кіраўнік праўленьня «Укрэнэрга»