Яго абвінавацілі ў памаганьні ў забойстве тысяч зьняволеных лягеру.
Судовы працэс над старым працягваўся дзевяць месяцаў. Абвінавачаны не прызнаў у судзе сваёй віны. Ён заяўляў, што ніколі не служыў у Заксэнгўзэне, а ў пазначаныя абвінавачаньнем тэрміны працаваў на фэрме ў зямлі Мэкленбург-Пярэдняя Памэранія.
Аднак пракуратура прадставіла дакумэнты ахоўніка канцлягера. У іх імя, прозьвішча і дата нараджэньня цалкам супадалі з дадзенымі абвінавачанага.
Падчас працэсу Ёзэф С. закрываў твар
Пра суд над мужчынам стала вядома ў кастрычніку 2021 году. На той момант 100-гадовага Ёзэфа С. палічылі дастаткова здольным, каб паўстаць перад судом.
Паведамлялася, што мужчына зьяўляўся членам вайскова-паліцэйскай арганізацыі СС у Трэцім райху. Яго абвінавачвалі ў 3518 пунктах датычнасьці да забойстваў у канцлягеры Заксэнгаўзэн у пэрыяд з 1942 па 1945 год.
ГЛЯДЗІЦЕ ТАКСАМА: Беларусь на цырымоніі на месцы канцлягеру Маўтхаўзэн у Аўстрыі прадставілі Павал Латушка і актывісты дыяспары- Канцлягер Заксэнхгаўзэн быў створаны ў 1936 годзе ў ваколіцах Бэрліна. Спачатку яго выкарыстоўвалі ў якасьці трэніровачнага цэнтру для афіцэраў СС.
- Празь яго прайшлі 200 тысяч зьняволеных, у тым ліку палітычныя праціўнікі рэжыму Трэцяга райху, а таксама габрэі, цыганы, замежныя ваеннапалонныя. Дзясяткі тысяч зьняволеных памерлі ад голаду, хвароб, прымусовай працы, мэдычных экспэрымэнтаў і жорсткага абыходжаньня эсэсаўцаў.
- У 2011 годзе за ваенныя злачынствы быў асуджаны былы ахоўнік Іван Дзем’янюк. Яго справа стварыла юрыдычны прэцэдэнт і праклала шлях для некалькіх наступных.
- З таго часу суды вынесьлі некалькі абвінаваўчых прысудаў на падставе прыналежнасьці да рэжыму, а не за забойствы ці зьверствы, непасрэдна зьвязаныя з канкрэтным абвінавачаным.